Floresta é un barrio situado ao oeste da cidade de Bos Aires, capital da Arxentina.
Localización As ordenanzas municipais nº 23.698 do 11 de xuño de 1968 e 26.607 do 4 de maio de 1972 estableceron os límites precisos de todos os barrios da Cidade de Bos Aires. Así, Floresta esténdese entre as rúas Juan Agustín García, Joaquín V. González, Av. Gaona, Cuenca, Portela, Av. Directorio, Mariano Acosta e Av. Segurola. Limita cos barrios veciños de Monte Castro, ao norte, Vila Santa Rita, ao nordeste, Flores, ao leste, Parque Avellaneda, ao suroeste, e Vélez Sársfield, ao oeste. Está situado na Comuna 10.
Información Cada 29 de agosto conmemórase a chegada en 1857 da locomotora La Porteña ao lugar denominado deste xeito.
Este barrio é recoñecido polo número de emigrantes galegos que se estableceron nesta zona da cidade desde principios do século XX. Precisamente, a rúa Galicia termina aquí.
Notas
Categoría:Barrios de Buenos Aires