Santa Coloma d'Andorra, oficialmente Santa Coloma, é un núcleo de poboación do Principado de Andorra situado na parroquia de Andorra la Vella. En 2009 tiña 2.994 habitantes.
Igual que do resto da parroquia, os datos históricos conservados son moi xerales. No século X foi cambiasa por Borrell II por outros territorios na Cerdanya e o Alt Urgell, posesións do bispo de Urgell. Foi a primitiva parroquia de Andorra, como aparece na acta de consagración de La Seu d'Urgell (1007) na que se cita Andorra cum Sancta Columba.
A localidade é moi coñecida pola súa igrexa parroquial prerrománica de Santa Coloma, xa citada no 839, co campanario cilíndrico que constitúe a súa característica máis destacada. O conxunto histórico de Santa Coloma, coas súas igrexas de Santa Coloma e Sant Vicenç d'Enclar, foi proposto como Patrimonio da Humanidade en 1999 na categoría de patrimonio cultural.
Santa Coloma d'Andorra é a sede do arciprestado de Andorra. Nela atópase a sede social de varias institucións da igrexa andorrana, como por exemplo Càrites.
Notas
Categoría:Andorra la Vella Categoría:Cidades de Andorra