Fátima Rodríguez López, nada en Pontedeume o 15 de maio de 1961, é unha escritora galega, e tradutora en galego e español, e profesora na Universidade da Bretaña Occidental en Brest.
Traxectoria Fátima Rodríguez estudou linguas románicas na Universidade de Santiago de Compostela. Fixo o seu doutoramento en literatura comparada en Francia e, a continuación, viviu e traballou en Tolosa entre 1983 e 2008. En 1990 leu a súa tese, dirixida por Milagros Ezquerro, na Universidade de Tolosa II. Entre 1991 e 1993, continuou os seus estudos cun mestrado en tradutoloxía na Universidade Autónoma de Barcelona. Viaxou por Romanía e Italia, para completa-los seus estudos en linguas románicas e afondou o seu coñecemento na literatura contemporánea deses países.
Mentres viviu en Tolosa, colaborou coa Casa de Galicia na rexión para impulsar a difusión da cultura galega. Como investigadora, traballou sobre escritoras do Caribe. Publicou regularmente artigos sobre as linguas e culturas en contacto recíproco dentro da área castelanfalante. Desde 2008 vive en Brest e ensina na Universidade do Oeste da Bretaña.
No seu traballo académico adoita empregar o francés, español e galego. Pertence á Rede Francesa de Estudos Galegos e á Asociación Caribeña de Estudos do Caribe.
Temática literaria A orixe da escritora, a cultura galega e a lingua constitúen o tema central da poesía de Fátima Rodríguez. Ás veces, amosa un aspecto político como, por exemplo, no poema "Nos outros" publicado no libro EXIL - témoignages sur la Guerre d'Espagne, les champs et la résistance au franquisme.-Marín (2005), p.5 Igualmente, esa temática expresou unha dor que segundo a ensaísta cubana Minerva Salado, transfórmase en belezaSalado (2007), p.33 e que esa transformación non é doada especialmente cando "a beleza xorde da dor como un factor de identidade dun pobo".
Na súa obra aparecen temas recorrentes como a viaxe e a emigración ("A viaxeira non ha parar nunca"; referindo a emigración da muller galega). Tamén o corpo e a lingua, pois segundo María Rosa Lojo "un corpo feminino busca o cordón roto co corpo nai" que é "a lingua/terra".Lojo (2010), p.5: «(...) corps de femme recherche le cordon détaché du corps (la langue-terre) mère.»
Obra poética Amencida dos corpos/Amanecida de los cuerpos (2005; trad. español Jorge Ledo). Cidade de México: Editorial Praxis. ISBN 968-7646-33-0 Límite de propiedade (2006). (traducido por Gloria Vegara) Madrid: Ediciones Torremozas. ISBN 978-84-7839-368-8 Oblivionalia (2010) (Edición bilingüe: galego; trad. francesa de Vincent Ozanam). Brest: Ed. Les hauts-de-Fonds. ISBN 978-2-9532332-7-8
Notas
Véxase tamén
Bibliografía Araguas, Vicente (2010): "Non pechar os ollos ao evidente", artigo en Diario de Ferrol, 13 de xuño de 2010, p. 30. Dobarro, X. M. (2010): "Profesora e poeta", artigo en Diario de Ferrol, 23 de maio de 2010, p. 20. Lojo, M. R. (2010): "Musique dans le vide". Limiar de Oblivionalia. Brest.
Salado, M. (2007). "La lengua migrante de Fátima Rodríguez", en Archipiélago. Revista cultural de nuestra América, n° 56, Cidade de México, pp. 33-35.
Ligazóns externas Institut de Recherche et d'études Culturelles (Instituto de Investigacións e Estudos Culturais - Fátima Rodríguez. Información sobre os campos de investigación e contribucións científicas (París-Sorbonne). Información sobre o currículo na Universidade de Brest (en francés) Extraídas do libro Oblivionalia na páxina Web da editorial Les hauts-de-Fonds. Presentación do libro Oblivionalia na revista Vieiros. Esquina con bancario: "A poesía de Fátima Rodríguez" Minerva Salado (Blog). Perfil en As escollas electivas
Categoría:Escritores de Galicia en lingua galega Categoría:Filólogos de Galicia Categoría:Nados en Pontedeume Categoría:Poetas de Galicia Categoría:Tradutores ao galego Categoría:Tradutores do galego Categoría:Tradutores de Galicia Categoría:Nados en 1961 Categoría:Alumnos da Universidade de Santiago de Compostela