Juan Monjardín Callejón, nado na Coruña o 24 de abril de 1903 e finado en Villatobas (provincia de Toledo) o 13 de novembro de 1950, foi un futbolista galego que xogaba de dianteiro. Xogador histórico do Real Madrid Club de Fútbol, foi internacional absoluto coa , coa que disputou os Xogos Olímpicos de París de 1924, onde o seu equipo caeu eliminado fronte a na rolda preliminar.
Biografía Tras comezar a súa carreira deportiva no Racing Club de Madrid, ingresou no Madrid Foot-ball Club, antiga denominación do Real Madrid Club de Fútbol, a finais da tempada 1918-19 con idade cadete. A pesar da súa idade precoz e debutar co primeiro equipo esa mesma tempada nun partido do Campionato Rexional Centro, converteuse rapidamente nun dos referentes atacantes do club na época.
Divididos entre o citado torneo rexional e o Campionato de España, coñecido como Copa do Rei, que eran as únicas competicións oficiais que se disputaban no territorio español, acumulou un total de 55 goles en 74 partidos sendo un dos mellores atacantes da curta historia da entidade madrileña. No momento da súa retirada tanto do club como do fútbol en 1929 coa temperá idade de 26 anos, converteuse no segundo máximo goleador do conxunto madridista, sendo unicamente superado polos 68 goles do seu coetáneo e compañeiro de equipo Santiago Bernabéu. É posible que se debese posiblemente á chegada ese mesmo ano de dous xogadores que acabaron por ser tamén referentes atacantes e históricos do club, o valenciano Gaspar Rubio e o navarro Jaime Lazcano, ambos máis novos que o galego, e que remataron por bater o seu rexistro goleador no club.
A mesma tempada da súa retirada inaugurouse o Campionato Nacional de Liga de Primeira División. Ao disputar un único partido, que foi ademais o único que disputou esa tempada, converteuse nun dos 19 xogadores do club con presenza nesa histórica primeira edición.
En 1943, anos despois da súa retirada profesional, o club branco organizoulle un partido homenaxe que enfrontou aos madrileños contra o FC Barcelona, finalizando con empate a un gol.
Faleceu nun tráxico accidente de tráfico, nas proximidades de Villatobas, Toledo, o 13 de novembro de 1950.
Selección Debutou coa selección española en Lisboa o 17 de decembro de 1922 contra Portugal. Foi unha das catro veces que foi internacional con España ao longo da súa carreira.
Palmarés 6 campionatos rexionais co Real Madrid.
Notas
Véxase tamén Ligazóns externas Biografía de Monjardín na web oficial do Real Madrid
Categoría:Nados en 1903 Categoría:Nados na Coruña Categoría:Finados en 1950 Categoría:Xogadores do Real Madrid CF Categoría:Xogadores da selección de fútbol de España Categoría:Dianteiros de fútbol Categoría:Futbolistas da Coruña Categoría:Finados en accidente de tráfico Categoría:Futbolistas olímpicos de Galicia Categoría:Futbolistas nos Xogos Olímpicos de 1924