Luís Miguel Vieira Silva, máis coñecido como Vieira, nado o 8 de outubro de 1990 en Amarante (Porto), é un futbolista profesional portugués que xoga como defensa central no İstanbul Başakşehir.
Traxectoria Nado en Amarante, no Distrito do Porto, Vieira comezou a súa carreira no fútbol no club afeccionado Vila Meã da súa localidade natal. Con vinte e dous anos asinou co Aves da Segunda Liga, facendo o seu debut como profesional o 18 de agosto de 2013 nun empate 1–1 contra o Oliveirense no Carlos Osório de Oliveira de Azeméis, onde xogou os 90 minutos. Na seguinte temporada, a 2014–15, anotou 4 goles en 39 xogos, axudando ao seu equipo a acadar o décimo oitavo posto, fóra da zona de descenso.
En xuño de 2015, Vieira asina por dous anos co Paços de Ferreira da Primeira Liga. O seu debut na máxima categoría chegou o 30 de agosto dese mesmo ano, saíndo como suplente para xogar 42 minutos no empate 1–1 contra o F.C. Arouca no Estádio da Mata Real pacense. O seu protagonismo cos "Castores" foi en aumento ano a ano, e na temporada 2017−18 xogou 32 partidos onde anotou 4 goles, sendo incluído varias veces na votación para mellor defensa do mes.
Clubs ClubCategoríaAnoPXGolesS.C. EspinhoCDP (3ª)2012−2013321Desportivo AvesSegunda Liga2013−2014250Desportivo AvesSegunda Liga2014−2015404Paços de FerreiraPrimeira Liga2015−201690Paços de FerreiraPrimeira Liga2016−2017141Paços de FerreiraPrimeira Liga2017−2018324LugoLaLiga 22018−2019341
Notas
Véxase tamén Ligazóns externas Datos do xogador en Fora de Jogo Datos do xogador en soccerway.com Datos do xogador en The Final Ball Datos do xogador en Transfermarkt
Categoría:Nados en 1990 Categoría:Nados en Amarante Categoría:Futbolistas de Portugal Categoría:Defensas de fútbol Categoría:Xogadores do CD Aves Categoría:Xogadores do FC Paços de Ferreira Categoría:Xogadores do CD Lugo Categoría:Xogadores do İstanbul Başakşehir