Robert Kalina, nado en Viena o 29 de xuño de 1955, é un deseñador gráfico austríaco, vinculado ao Banco Nacional de Austria.
Traxectoria Robert Kalina graduouse en 1975 no Instituto Superior de Deseño Gráfico e Investigación e só un ano despois pasou a formar parte do cadro de persoal do banco nacional do seu país, onde comezou a súa carreira de deseñador de billetes cos seus proxectos para as emisións en xilins do seu país en 1982. A partir dese ano foi o autor dos deseños de todos os billetes emitidos por Austria ata 2002."Robert Kalina – Schöpfer der Euro Banknoten". En www.geldschein.at.
Como artista autor da proposta presentada pol Banco Nacional de Austria, resultou gañador en 1996 da competición para elixir o deseño da primeira serie dos billetes de euro que empezarían a circular o 1 de xaneiro de 2002. A elección do seu proxecto entre os 44 participantes produciuse no consello do Instituto Monetario Europeo do 3 de decembro de 1996."Concurso de diseño de la primera serie de billetes en euros ". Banco Central Europeo. A súa proposta rompeu coa tradición de representar persoeiros de relevancia histórica e aplicou motivos vinculados á historia da construción europea a través de pontes, portas e fiestras en diferentes estilos arquitectónicos característicos de todo o continente, como metáfora do espírito de apertura, unión e cooperación da Unión Europea.ECB (2009). Páxinas 82-83."¿Cómo se pensaron y diseñaron los billetes del euro?". En Nuevatribuna.es. 7 de xullo de 2017
En 2013 realizouse un redeseño destes billetes, para o BCE escolleu un deseñador independente, o alemán Reinhold Gerstetter, que non variou a esencia dos deseños iniciais de Kalina.Gerstetter, Reinhold. "Trajes nuevos para el euro ". En Billetería. Nº 10. Banco de España. Páxina 21."Reinhold Gerstetter – Designer der zweiten Euro Serie (Europa-Serie)". En www.geldschein.at.
A Kalina débenselle tamén os deseños doutros billetes de diversos países, como os acerbaixanos con valor facial en manats, a serie de Libia de 2010 con valor en libras, e o billete de 200 marcos convertibles da serie de 2002 de Bosnia e Hercegovina, cunha ponte no reverso que lembra os da serie de euros do mesmo ano."Azerbaijan New Manat ". En Oanda.com.
En 2011, Kalina xubilouse como empregado do Banco Nacional de Austria.""trend": Euro-Designer Robert Kalina geht mit 55 in Pension". En APA-OTS. 30 de xaneiro de 2011.
Premios Cruz de Honra das Ciencias e as Artes de Austria (1ª clase). 2011: Medalla de Ouro polos Servizos Prestados á República de Austria. 2017: Premio do título de Berufstitels Professor."OeNB-Grafiker Robert Kalina erhielt Professorentitel". En APA-OTS. 5 de maio de 2017.
Galería de deseños de Robert Kalina
Billetes en xilins austríacos
Billetes de Acerbaixan en manats
Billetes en euros
Notas
Véxase tamén
Outros artigos
Billetes de euro Reinhold Gerstetter
Bibliografía ECB. Euro Banknote Design Exhibition. European Central Bank. 3ª ed. 2009. ISBN 978-92-899-0381-3
Ligazóns externas Entrevista a Robert Kalina en Süddeutsche Zeitung
Categoría:Nados en Viena Categoría:Nados en 1955 Categoría:Deseñadores de moeda Categoría:Personalidades do gravado