Chadwick Aaron Boseman, nado o 29 de novembro de 1976, e finado o 28 de agosto de 2020, foi un actor e produtor de cinema estadounidense. Interpretou diversos personaxes históricos, como Jackie Robinson en 42 (2013), James Brown en Get on Up (2014) e a Thurgood Marshall en Marshall (2017). Converteuse nunha estrela internacional grazas ao seu papel como o superheroe Black Panther nos filmes do Universo cinematográfico de Marvel, incluíndo Black Panther (2018), o cal lle valeu un premio NAACP Image e un premio Screen Actors Guild.
Outros papeis cinematográficos de Boseman inclúen 21 Bridges (2019), no cal tamén foi coprodutor, e Da 5 Bloods (2020). O seu derradeiro filme, Ma Rainey's Black Bottom, estrearase postumamente en Netflix. Morreu o 28 de agosto de 2020, despois de loitar de maneira privada cun cancro de colon durante catro anos.
Notas
Véxase tamén
Ligazóns externas
Categoría:Nados en 1976 Categoría:Finados por cancro colorrectal Categoría:Finados en 2020 Categoría:Actores dos Estados Unidos de América Categoría:Estadounidenses de ascendencia serraleonesa Categoría:Alumnos da Universidade Howard