miniatura|250x|De esquerda a dereita, un Game Link Cable de Game Boy Advance, un FireWire 400, un Universal Game Link e unha entrada de cable de Game Boy Pocket. O Game Link Cable de Nintendo é un accesorio para a liña de consolas Game Boy que permite ós xogadores conectar Game Boys de tódolos tipos para xogar en modo multixogador. O cable Game Link foi lanzado ao mercado en 1989 coa Game Boy orixinal e foi redeseñado durante catro xeracións con diferentes graos de retrocompatibilidade. Dependendo dos xogos, un cable Game Link pode ser usado para conectar dous xogos do mesmo título, como Tetris, ou dous xogos diferentes compatibles como Pokémon Red e Blue. Os xogos poden vencellarse para a competencia cara a cara, xogo cooperativo, intercambiar artigos, desbloquear funcións ocultas etc.
O deseño do conector do cable Game Link influíu no deseño do IEEE 1394/FireWire.
Historia O cable Game Link foi desenvolvido por Satoru Okada, o asistente de dirección de Nintendo Research & Development 1, o equipo desenvolvedor da Game Boy. A principios dos anos 80, Okada traballara en Computer Mah-jong Yakuman, unha máquina portátil de Nintendo que utilizaba un cable para conectarse entre dous dispositivos. Convencido dunha característica similar para a Game Boy, esforzouse moito no seu desenvolvemento. Malia o escepticismo do seu equipo, quen dicían que ía ser demasiado complicado, Okada levou a cabo o seu desenvolvemento persoal da tecnoloxía do cable Game Link.
Notas
Categoría:Accesorios de Game Boy