José Cribeiro González, nado en Mogor (Mañón) o 14 de decembro de 1898, e finado en Vigo en 1981, foi un mestre e político galego.
Traxectoria Estudou Maxisterio na Escola Normal de Pontevedra. Sendo estudante publicou un artigo sobre Concepción Arenal en El Progreso."Concepción Arenal y el problema social", El Progreso, 1-5-195, p. 1. Rematou Maxisterio en 1915.Diario de Pontevedra, 14-6-1915, p. 2. Aprobou as oposicións en 1924.El Noticiero Gallego, 25-6-1924, p. 2. Foi destinado á escola de Santa Baia das Donas (Gondomar) en 1924.El Progreso, 19-11-1924, p. 2. Foi un dos animadores da Sociedade Agraria de Donas. Coa proclamación da Segunda República foi nomeado presidente da xestora provisional, permanecendo no cargo ata que se celebraron novas eleccións o 31 de maio. Foi presidente da Asociación de Trabajadores de la Enseñanza de Vigo. (2019). "Sindicalistas en Vigo (e 2)"
Cando se produciu o golpe de Estado do 18 de xullo de 1936, estaba en Pontevedra formando parte dun tribunal de selección de mestres, residindo na casa paterna. Foi detido o 15 de agosto e ingresou en prisión ao día seguinte. Foi procesado na causa 805/36, polo delito de rebelión con José Pequeño Rodríguez (alcalde de Gondomar), Rogelio Lorenzo González (tenente de alcalde), Joaquín Míguez Ledo (presidente do sindicato) e os obreiros Eduardo Hermida Pereira, Antonio Iglesias "Cañón", Manuel Domínguez Sanromán e Feliciano Vargas. Cribeiro estaba considerado como inspirador dos movementos agrarios e sindicais, e tamén instigador das decisións do presidente da Sindicato de Oficios Varios de Gondomar, Joaquín Míguez. Xulgado en Vigo o 16 de outubro,El Diario de Pontevedra, 16-10-1936, p. 2. foi absolto. Cando o puxeron en liberdade andou agochado por Pontevedra e Santiago, ata que acordou alistarse como voluntario na lexión; dese xeito evitou que andasen tras del os cívicos e falanxistas e evitou a morte. Cun nome falso, José María Ruíz Berlanga, marchou para Zaragoza; por idade e preparación, enviárono ás oficinas e non chegou a ir á fronte.
Foi expulsado do maxisterio e non puido reincorporarse ao maxisterio ata ben entrada a década dos cincuenta. A súa muller Concha tamén foi sancionada, e o seu irmán Pío Cribeiro, a súa cuñada Regina Rodríguez Bares, e a irmá desta, Áurea, que exercían nas escolas de Aldán e Coiro. Concepción e José sobreviviron dando clases particulares en Gondomar. Despois Cribeiro foi mestre de Matamá, onde se xubilou en 1972.El Pueblo Gallego, 3-11-1972, p. 9.
Vida persoal
Casou coa tamén mestra Juliana Concepción Gómez Martín en 1926.
Notas
Véxase tamén Bibliografía
Categoría:Profesores de Galicia Categoría:Alcaldes de Gondomar Categoría:Alcaldes de Galicia durante a II República
Categoría:Represaliados polo franquismo Categoría:Nados en Mañón Categoría:Nados en 1910 Categoría:Finados en 1981 Categoría:Personalidades de Galicia sen imaxes