Bai Bibyaon Ligkayan Bigkay é unha líder e ecoloxista Lumad. É a primeira e única xefa na historia do pobo Manobo. É defensora dos dereitos dos pobos indíxenas e foi defensora das terras ancestrais Manobo e da cordilleira do Pantaron desde 1994. A cordilleira do Pandaron alberga un dos bosques virxes máis grandes que quedan en Filipinas. A cordilleira tamén fornece a auga dos principais ríos de Mindanao, incluíndo o río Mindanao, o río Pulangi, o río Davao , o río Tagoloan, e os principais afluentes do río Agusan. Bigkay recibe o Bai honorífico que está reservado para as mulleres de estado de Mindanao e Bibyaon é o título de Bigkay como xefa da súa tribo.
Estivo entre os dirixentes que se opuxeron ás operacións de corta masiva que destruirían as terras ancestrais Manobo en Talaingod, Davao do Norte.
Bigkay recibiu o Gawad Tandang Sora da Universidade de Filipinas en 2017 polo seu liderado na loita dos pobos indíxenas polos dereitos humanos e dignidade. Foi aclamada como a "Tandang Sora do campo… a Nai dos Lumads que inspira a revolución do pobo filipino pola autodeterminación nacional e a liberdade."
Tamén foi recoñecida como a gañadora máis distinguida do 5.º Gawad Bayani ng Kalikasan (Premio ó Heroe do medioambiente) en 2018.
Notas
Categoría:Personalidades de Filipinas Categoría:Ecoloxistas de Filipinas Categoría:Nados en ano descoñecido Categoría:Personalidades sen imaxes Categoría:Indixenistas de Asia