O presidente do Goberno de España é o xefe do Goberno de dito país europeo. A elección do presidente realízase no Congreso dos Deputados, mediante un proceso chamado Investidura, e tras ser elixido polo Congreso, é nomeado polo rei Filipe VI perante o cal toma xuramento.
As funcións do presidente do Goberno están establecidas na Constitución española nos artigos 97 ao 116. A residencia oficial e sede do Goberno é o Palacio da Moncloa en Madrid.
Dende o 1 de xuño de 2018 o presidente de España é Pedro Sánchez Pérez-Castejón.
Elección
A elección do presidente español non se realiza de forma directa polos electores, senón que se realiza de xeito indirecto polo poder lexislativo. Segundo as eleccións lexislativas que teñen lugar cada catro anos, o líder do partido maioritario, é normalmente proposto polo rei como presidente do Goberno, e logo é elixido polo Congreso dos Deputados. O vicepresidente é elixido polo rei como unha proposta do presidente do Goberno.
Elexibilidade O artigo 11 da Lei 50/1997, de 27 de novembro, establece que para ser presidente do Goberno hai que ter nacionalidade española, ser maior de idade, gozar dos dereitos do sufraxio activo e pasivo e non estar inhabilitado para exercer emprego ou cargo público por sentenza xudicial firme. Tampouco hai limitación no número de mandatos á fronte da presidencia do goberno de España.
Investidura miniatura|O Palacio da Moncloa, sede da Presidencia do Goberno de España. Tras a elección pola maioría do Congreso dos Deputados, o candidato é nomeado presidente do Goberno polo rei nunha cerimonia de investidura que se celebra no Salón de Audiencias do Palacio da Zarzuela. Nesta cerimonia, o presidente xura ou promete o cargo ante a presenza do rei de España e do notario maior do Reino (o ministro de Xustiza).
Moción de Censura e Cuestión de Confianza O presidente do Goberno, despois da deliberación do Consello de ministros, pode solicitar ao Congreso un voto de confianza no seu programa ou declaración de política xeral. O Congreso dos Deputados lle dá confianza cando vota a favor u nonha maioría simple dos deputados. O Congreso dos Deputados pode destituír en calquera momento ó presidente do Goberno a través dunha moción construtiva de desconfianza, que require o apoio da maioría do Congreso (polo menos a metade máis un dos membros que compoñen a cámara).
Tras 4 mocións de censura sen éxito o PSOE gañou a primeira o día 1 de xuño do 2018 contra Mariano Rajoy, facendo así a Pedro Sánchez presidente de España.
Lista de presidentes do Goberno de España
Presidentes do Goberno de España (1977 - actualidade) Nesta lista soamente se recollen os presidentes do Goberno do período democrático posterior á ditadura de Francisco Franco. Para ver a lista completa de Presidentes do Goberno e do Consello de Ministros de España vaia a Lista de presidentes de España.
LexislaturaData InicialData FinalNomePartidoImaxeConstituínte15 de xuño de 197711 de marzo de 1979Adolfo Suárez GonzálezUCD70pxPrimeira Lexislatura11 de marzo de 197929 de outubro de 1982Adolfo Suárez González e Leopoldo Calvo-Sotelo BusteloUCD70pxSegunda Lexislatura28 de outubro de 198222 de xuño de 1986Felipe González MárquezPSOE70pxTerceira Lexislatura22 de xuño de 1986 29 de outubro de 1989 Felipe González Márquez PSOE70pxCuarta Lexislatura29 de outubro de 1989 6 de xuño de 1993 Felipe González Márquez PSOE70pxQuinta Lexislatura6 de xuño de 1993 3 de marzo de 1996 Felipe González Márquez PSOE70pxSexta Lexislatura3 de marzo de 1996 12 de marzo de 2000 José María Aznar LópezPP70pxSétima Lexislatura12 de marzo de 2000 14 de marzo de 2004 José María Aznar LópezPP70pxOitava Lexislatura14 de marzo de 2004 9 de marzo de 2008 José Luis Rodríguez ZapateroPSOE70pxNovena Lexislatura9 de marzo de 2008 20 de decembro de 2011 José Luis Rodríguez ZapateroPSOE70pxDécima Lexislatura20 de decembro de 2011 21 de decembro de 2015 Mariano Rajoy BreyPP70pxUndécima Lexislatura13 de xaneiro de 201619 de xullo de 2016PP70pxDuodécima Lexislatura30 de outubro de 2016 1 de xuño de 2018Mariano Rajoy Brey CesadoPP70pxDuodécima Lexislatura1 de xuño de 2018 27 de febreiro de 2019Pedro SánchezPSOE70pxDécimo terceira Lexislatura21 de maio de 2019 24 de setembro de 2019PSOE70pxDécimo cuarta Lexislatura3 de decembro de 2019 17 de agosto de 2023Pedro SánchezPSOE70pxDécimo quinta Lexislatura17 de agosto de 2023 presentePedro SánchezPSOE70px
Notas
Véxase tamén Ligazóns externas Presidencia do Goberno de España Presidentes de Goberno de España desde 1823 Congreso dos Deputados
Outros artigos
Lista de Presidentes de España
Categoría:Política de España !