José Blas García Piñeiro, nado en Cespón (Boiro) en 1969, é un político galego do PSdeG.
Traxectoria Estudou Filoloxía Hispánica na Universidade de Santiago de Compostela. Militante das XSG en Boiro, foi concelleiro nesta localidade de marzo a xuño de 1999. Traballador en excedencia da CENG do PSdeG-PSOE. Foi secretario xeral da Agrupación Socialista de Boiro de 2000 a 2004, así como secretario comarcal do partido no Barbanza dende 2004 ata 2008. Responsable de organización de Actos Públicos, Márketing e Acción Electoral do PSdeG. Foi concelleiro en Ames dende 2014, a pesar de non concorrer na lista, tras a renuncia de todos os membros da candidatura. Nas eleccións municipais de 2015 foi reelixido concelleiro como número tres da candidatura socialista, asumindo responsabilidades de goberno. Nas eleccións municipais de 2019 presentouse de novo como número tres da candidatura do PSdeG-PSOE, sendo elixido de novo concelleiro de Ames e nomeado segundo tenente-alcalde. Neste mandato foi elixido deputado provincial, encargándose da área de Promoción Económica.Tres diputados del área de Santiago forman parte del gobierno provincial Coa renuncia de José Miñones para ser nomeado Delegado do Goberno en Galicia, foi nomeado alcalde de Ames o 8 de abril de 2021. En marzo de 2022, asumiu a Secretaría Xeral do PSdeG de AmesEl PSOE de Teo, Ames y Padrón renuevan cargos. Foi candidato á alcaldía nas municipais de 2023 e foi reelixido alcalde como cabeza da lista máis votada.
Notas
Véxase tamén Outros artigos Eleccións municipais en Ames
Ligazóns externas José Blas García Piñeiro na web do Concello de Ames
Categoría:Alcaldes de Ames Categoría:Alcaldes de Galicia polo PSdeG-PSOE Categoría:Alcaldes de Galicia durante a democracia Categoría:Nados en Boiro Categoría:Nados en 1969 Categoría:Alumnos da Universidade de Santiago de Compostela Categoría:Concelleiros de Ames Categoría:Concelleiros de Galicia durante a democracia Categoría:Concelleiros de Galicia polo PSdeG-PSOE Categoría:Personalidades de Galicia sen imaxes