Tenet é un filme británico-estadounidense de 2020 escrito e dirixido por Christopher Nolan, que el mesmo produciu xunto con Emma Thomas. Está protagonizado por John David Washington, Robert Pattinson, Elizabeth Debicki, Dimple Kapadia, Michael Caine e Kenneth Branagh. O filme conta a historia dun axente secreto que aprende como manipular o fluxo do tempo para previr un ataque do futuro que ameaza con aniquilar o mundo presente.
Nolan dedicou máis de cinco anos a escribir o guión despois de cavilar sobre as ideas centrais de Tenet durante máis dunha década. A preprodución comezou a finais de 2018, co proceso de selección de elenco realizada en 2019. A fotografía principal durou seis meses dende maio até novembro, en Dinamarca, Estonia, a India, Italia, Noruega, o Reino Unido e os Estados Unidos. O fotógrafo Hoyte van Hoytema rodou en 70 mm e IMAX. As escenas de manipulación do tempo foron rodadas tanto cara a adienta como cara a atrás. Usáronse máis de cen buques e miles de extras.
A estrea foi posposta tres veces por mor da pandemia de COVID-19, mais finalmente estreouse no Reino Unido o 26 de agosto de 2020, e nos Estados Unidos o 3 de setemro de 2020 en IMAX, 35 mm e 70 mm. Foi un dos primeiros filmes de Hollywood en estrearse masivamente nos cinemas despois do confinamento da pandemia, e recadou 363 millóns de dólares en todo o mundo, converténdose no quinto filme con maior recadación de 2020. Porén, a recadación foi considerada un fracaso debido ó seu elevado orzamento de produción e comercialización e á escasa distribución nos cinemas durante a pandemia. O filme recibiu valoracións positivas, con eloxios ás secuencias de acción, efectos visuais, banda sonora, fotografía e interpretacións, mentres que a historia e a edición de son recibiron peores críticas. O filme recibiu dous nomeamentos ós Premios Óscar, ó mellor deseño de produción e mellores efectos visuais na 93ª edición dos premios.
Personaxes John David Washington como o protagonista, un axente da CIA Robert Pattinson como Neil Elizabeth Debicki como Katherine "Kat" Barton Dimple Kapadia como Priya Singh Martin Donovan como Fay Fiona Dourif como Wheeler Yuri Kolokolnikov como Volkov Himesh Patel como Mahir Clémence Poésy como Barbara Aaron Taylor-Johnson como Ives Michael Caine como Sir Michael Crosby Kenneth Branagh como Andrei Sator Denzil Smith como Sanjay Singh
Notas
Véxase tamén Bibliografía
Ligazóns externas
Ficha en RottenTomatoes Ficha en BoxOfficeMojo
Categoría:Filmes de 2020 Categoría:Filmes en lingua inglesa Categoría:Filmes do Reino Unido Categoría:Filmes dos Estados Unidos de América Categoría:Filmes dirixidos por Christopher Nolan Categoría:Filmes de acción e ciencia ficción dos Estados Unidos de América Categoría:Filmes de Warner Bros. Categoría:Filmes rodados nos Estados Unidos de América Categoría:Filmes rodados no Reino Unido Categoría:Filmes rodados en Noruega Categoría:Filmes rodados en Bombai Categoría:Filmes rodados en Italia Categoría:Filmes rodados en Estonia Categoría:Filmes rodados en Dinamarca Categoría:Filmes ambientados en Vietnam Categoría:Filmes ambientados en Italia Categoría:Filmes ambientados en Rusia Categoría:Filmes ambientados en Bombai Categoría:Filmes ambientados en Londres Categoría:Filmes ambientados en Siberia Categoría:Filmes ambientados en Talín Categoría:Filmes adiados por mor da pandemia de COVID-19 Categoría:Filmes sobre o tempo Categoría:Filmes sobre terrorismo Categoría:Filmes sobre tecnoloxía Categoría:Filmes distribuídos en sistemas IMAX