Vsevolod Mikhaylovich Potin, nado o 28 de marzo de 1918 en Riazan e finado o 12 de setembro de 2005 en San Petersburgo, foi un numismático ruso vinculado ao departamento de moeda do museo Ermitage.

Traxectoria Potin naceu en 1918 na cidade de Riazan, na óblast do mesmo nome, no seu dunha familia de intelectuais rusos. En 1931 trasladouse a Peterhoff, preto de San Petersburgo, onde cursou o seu ensino secundario.

Posteriormente matriculouse na entón chamada Universidade de Leningrado, onde se graduou na especialidade Historia Medieval de Europa. Durante a segunda guerra mundial fixo unha interinaxe no Museo Nacional Ermitage supervisado polos máis eminentes numismáticos rusos do momento: N. Bauer, A. Ilyin, Alexander Bykov, A. Zograf e A. Markova. En 1956 comezou os seus estudos de posgrao e en 1961 acadou o seu doutoramento cunha tese sobre as relacións comerciais de antiga Rusia cos incipientes estados da Europa Occidental a partir dos achados numismáticos.Kalinin, V. (2005) . Páxina 45.

Acabada a guerra, en 1959 foi contratado polo Ermitage como conservador de moedas e medallas europeas no seu departamento numismático, e entre 1974 e 1998 foi o conservador xefe do departamento.Smirnova, N. (2006).

Ademais da súa dedicación ao Hermitage, Potin exerceu a docencia de Numismática de Europa Occidental na Universidade Estatal de San Petersburgo entre 1962 e 1992, e tamén foi profesor na Universidade de Letonia, en Riga.Kalinin, V. (2005) . Páxina 46."Meeting Marking the 85th Anniversary of Vsevolod Mikhaylovich Potin". The State Hermitage Museum."Meeting Marking the 85th Anniversary of Vsevolod Mikhaylovich Potin". The State Hermitage Museum.

O seu labor como investigador centrouse fundamentalmente na historia monetaria e na circulación de moeda na Europa medieval, aínda que tamén son abundantes os seus estudos sobre grandes coleccións numismáticas, principalmente a do Ermitage. Cabe destacar tamén a súa participación no proxecto editorial Sylloge of Coins of the British Isles.

Entre outras sociedades e entidades numismáticas internacionais, Potin foi membro da Sociedade Numismática Polaca (1970), da American Numismatic Society (1973), da Sociedade Numismática Sueca (1973), da Sociedade Numismática de Renania do Norte-Westfalia (1990), da Sociedade Numismática de San Petersburgo (1993) e da Sociedade Numismática Finlandesa (1993), e foi nomeado membro de honra da Comisión Internacional de Numismática en 1997.

Recoñecementos (1976): Premio da Sociedade de Historia Monetaria Internacional (GIG)."GIG-Ehrenpreisträger". Gesellschaft für Internationale Geldgeschichte . (1978): Medalla Kurt Regling, dos Museos Estatais de Berlín. (1996): Premio á Promoción da Cultura Rusa.

Publicacións Potin é autor dunha vasta produción bibliográfica, con máis de 200 referencias entre traballos monográficos, colaboracións e artigos nas principais revistas numismáticas rusas e europeas do momento.Kalinin, V. (2005) . Páxinas 46-49."Потин, В. М (Всеволод Михайлович)". WorldCat Identities.

Escolma de monografías (1968). Drevni︠a︡i︠a︡ Rusʹ i evropeĭskie gosudarstva v X-XIII vv ["Rusia Antiga es os estados europeos nos séculos X-XIII]. Sov. khudozhnik, Leningrado. (1976). Einführung in die Numismatik westeuropäischer Länder ["Introdución á numismática dos países da Europa occidental"]. Berlin Staatl. Museen, Münzkabinett, Berlín. (1977): Proshloe nasheĭ rodiny v pami︠a︡tnikakh numizmatiki: Sbornik stateĭ ["O pasado da nosa patria nos monumentos numismáticos: colleita de artigos"]. Avrora, Leningrado. (1979). Russkai︠a︡ numizmatika XI-XX vekov: Materialy i issled ["Numismática rusa dos séculos XI-XX: materiais e investigación"]. Avrora, Leningrado. (1982): Ėkonomika, politika i kulʹtura v svete numizmatiki: sbornik nauchnykh trudov ["Economía, política e cultura á luz da numismática: colleita de artigos científicos"]. Gos. Ėrmitazh, Leningrado. (1987). Numizmatika v Ėrmitazhe: sbornik nauchnykh trudov ["Numismática no Ermitage: colleita de artigos científicos"]. Gos. Ėrmitazh, Leningrado. (1993). Monety, klady, kollekt︠s︡ii: ocherki numizmatiki ["Moedas, tesouros, coleccións: ensaios sobre numismática"]. Iskusstvo-SPB, San Petersburgo. ISBN 9785210021175 (1996). Chelovek i priroda v pami︠a︡tnikakh numizmatiki: vystavka: kratkiĭ putevoditelʹ ["O home e a natureza nos monumentos numismáticos: exposición: unha breve guía"]. Человек и природа в памятниках нумизматики: выставка: краткий путеводитель, San Petersburgo. (1999). Sylloge of Coins of the British Isles. Vol. 50: Hermitage Museum, St.Petersburg. Part I: Anglo-Saxon Coins to 1016. British Academy / Oxford University Press, Oxford. ISBN 9780197261873 (2000). Legendy na zapadno-evropeĭskikh monetakh ["As lendas nas moedas da Europa occidental"]. I︠U︡nona-Moneta, Kíiv. ISBN 9789669585103 (2012). Sylloge of Coins of the British Isles. Vol. 60: Hermitage Museum, St.Petersburg. Part II: Anglo-Saxon Coins 1016-1066. British Academy / Oxford University Press, Oxford. ISBN 9780197265017

Notas

Véxase tamén

Bibliografía Kalinin, V. (2005). "Vsevolod M. Potin (1918-2005) ". En Compte rendu, 52. International Numismatic Council. Páxinas 45-49. Smirnova, N. (2006). "Vsevolod M. Potin" (28.03.1918-12.09.2005)". En International Numismatic e-Newsletter. Nº 4. Páxina 12.

Categoría:Nados en 1918 Categoría:Finados en 2005 Categoría:Nados no óblast de Riazan Categoría:Numismáticos de Rusia Categoría:Galardoados co premio da Sociedade de Historia Monetaria Internacional Categoría:Alumnos da Universidade Estatal de San Petersburgo Categoría:Profesores da Universidade Estatal de San Petersburgo Categoría:Profesores da Universidade de Letonia Categoría:Personalidades sen imaxes