Baltasar Márquez Rodríguez, nado en Vigo o 7 de febreiro de 1966, é un ex-remeiro galego. Competiu nos Xogos Olímpicos de 1988 en Seúl.
Traxectoria miniatura|A cidade de Vigo ós seus atletas. Foi remeiro do Liceo Marítimo de Bouzas e do Real Náutico de Vigo, e en 1986 proclamouse campión de España na modalidade de catro con temoneiro, título que revalidou ao ano seguinte. En 1988 foi subcampión de España en dous sen temoneiro, xunto a Luis Tizón, e gañou a medalla de ouro en catro con temoneiro dos Campionatos de Remo de Europa Occidental, celebrados no campo de regatas belga de Hazewinkel.
Foi seleccionado para participar nos Xogos Olímpicos de Seúl, na proba de catro con temoneiro, xunto aos remeiros vascos Agustín Alarcón, José Ramón Oyarzábal e Ibon Urbieta, e co catalán Javier Viñolas como patrón. Non conseguiron meterse nas semifinais e acabaron no posto 13º, sendo o ouro para a embarcación de Alemaña Oriental.
En 1992 logrou o seu terceiro e derradeiro título de campión de España, na modalidade de dous con temoneiro.
Notas
Véxase tamén Ligazóns externas Datos do remeiro no sitio web oficial do Comité Olímpico Internacional . Datos do remeiroen sports-reference.com. Arquivado dende o orixinal . Datos do remeiro no sitio web oficial da Federación Internacional de Sociedades de Remo .
Categoría:Nados en 1966 Categoría:Nados en Vigo Categoría:Remeiros olímpicos de Galicia Categoría:Remeiros nos Xogos Olímpicos de 1988