Pedro Cuesta García, nado en Ribadeo o 23 de marzo de 1945 é un ex-piragüista galego. Disputou os Xogos Olímpicos de 1968 en Cidade de México.
Traxectoria Nacido en Ribadeo comezou a practicar piragüismo en Lugo, no Club Fluvial. Foi varias veces campión de España en K2, gañou o Descenso Internacional do Sella en 1967, xunto ao madrileño José Perurena, e varias veces o Descenso Internacional do Miño.
Participou nos Xogos Olímpicos de 1968 en Cidade de México, na proba de K4 1000 metros, formando equipo co lucense Ángel Villar "Chilares", o sevillano Gerardo López e Perurena, pero non conseguiron meterse nas semifinais.
Trala súa retirada da competición, foi adestrador, presidente do Club Náutico Adunado, presidente da Escola de Piragüismo de Lugo e construtor de piraguas.
Notas
Véxase tamén Ligazóns externas Datos do piragüista no sitio web do Comité Olímpico Internacional . Datos do piragüistaen sports-reference.com. Arquivado dende o orixinal .
Categoría:Nados en 1945 Categoría:Nados en Ribadeo Categoría:Piragüistas olímpicos de Galicia Categoría:Piragüistas nos Xogos Olímpicos de 1968