miniatura|250px|Evergreen Avenue, no centro da cidade de Arlington Heights Arlington Heights é unha cidade e municipio dos Estados Unidos, a cabalo dos condados de Cook, e de Lake no estado de Illinois.
Xeografía É un suburbio de Chicago, atopándose a uns 40 km ao noroeste do centro desta cidade.
O municipio ocupa unha superficie de 43,09 km2.
Segundo o censo de 2019 Arlington Heights contaba cunha poboación de 74 760 habitantes,Total Population in Arlington Heights village, Illinois United States Census Bureau. Consultado o 14 de novembro de 2021. polo que a súa densidade de poboación, nese ano, era de 1 738,30 Hab./km2.
Historia A mediados do século XIX a localidade de Arlington Heights estaba principalmente na parte occidental do municipio de Wheeling, con territorios nos concellos adxacentes de Elk Grove e Palatine, nunha zona que orixinalmente destacaba pola ausencia de soutos e árbores.
A Oficina Xeral de Terras comezou a vender leiras alí en 1835. En 1853, William Dunton, orixinario de Oswego, Nova York, convenceu ao ferrocarril de Illinois e Wisconsin para que fixera unha estación no lugar, e asentou unha cidade chamada Dunton, que recibiu o nome de William Dunton.
En 1850 a zona cambiou en gran medida a súa composición étnica, xa que moitos agricultores alemáns de Saxonia chegaran durante a década de 1840. John Klehm podería servir como exemplo: nun principio foi un cultivador de patacas, abastecendo o mercado de Chicago e, en 1856, comezou cun viveiro de cerdeiras, maceiras e pereiras, para despois cambiar aos abetos, aos arces e aos olmos, e despois ás flores. A finais da década de 1850, a zona fíxose famosa polas súas granxas, que enviaban produtos lácteos e vexetais a Chicago por ferrocarril.
A pequena cidade foi medrando aos poucos, establecéndose nela un ferreiro, unha queixaría, unha ferretaría e un hotel. Denominouse Arlington Heights en 1887, cando a súa poboación era duns 1 000 habitantes. A maioría eran agricultores, pero a eles uníronse outros homes que traballaban en Chicago, xa que Arlington Heights era un suburbio da cidade.
Notas
Véxase tamén
Ligazóns externas Village of Arlington Heights official website Village of Arlington Heights official website (archive) Arlington Heights Historical Museum
Categoría:Cidades de Illinois