Santos San Cristóbal Sebastián, nado en Segovia o 13 de outubro de 1928 e finado en Mondoñedo o 9 de xullo de 2020, foi un escritor, pintor, historiador e profesor español.
Traxectoria
Foi cóengo da catedral de Mondoñedo e fundador do museo que leva o seu nome (Museo Catedralicio e Diocesano Santos San Cristóbal) en Mondoñedo, dedicado á arte sacra, o máis importante de Galicia e un dos máis importantes de España. Foi membro da Real Academia de Historia y Arte de San Quirce de Segovia, e fundador da Asociación Cultural Santa Columba e da revista do Museo Catedralicio de Mondoñedo.
Ordenado en Mondoñedo no 1955, o seu primeiro destino foi Parga e Trasparga, ata 1958, pasando logo a estudar Dereito canónico en Comillas. Licenciado en 1960, foi durante oito anos capelán de emigrantes de Francia, volvendo a Mondoñedo en 1968, onde é encargado da fundación do museo catedralicio e diocesano, e foi nomeado cóengo no 1983 por monseñor Sánchez Monge.
Como profesor, exerceu no Seminario de Santa Catalina e en colexios de EXB en Ferrol e Vilanova. Notas
Categoría:Nados en Segovia Categoría:Nados en 1928 Categoría:Finados en 2020 Categoría:Sacerdotes católicos de España Categoría:Escritores de Castela e León Categoría:Personalidades sen imaxes