A Universidade de Perugia, en italiano Università degli Studi di Perugia (UniPG) é unha universidade estatal italiana fundada en 1308, unha das universidades máis antigas de Italia e do mundo. Forma parte do Grupo Compostela de Universidades.
Identidade visual miniatura| O logotipo da universidade no Orto' medievale di San Pietro, Departamento de Ciencias agrícolas, alimentarias e ambientais. O emblema oficial da Universidade representa á esquerda, sobre fondo azul, San Ercolano, un dos patróns da cidade, e á dereita, sobre fondo vermello, o grifón, símbolo da cidade. Representan respectivamente os poderes eclesiástico e civil, que prestixiaron a Universidade durante a Idade Media. Foi creado seguindo a disposición do Ministerio de Educación emitida en 1925, que obrigaba a todas as universidades nacionais a dotarse dun selo propio que reproducía o escudo histórico. Despois da Segunda guerra mundial engadiuse a inscrición circular Studium Generale Civitatis Perusii AD MCCCVIII. .
Historia
Época medieval Foi unha das primeiras universidades libres de Italia, erixida como Studium Generale o 8 de setembro de 1308, como demostra a bula papal Super specula de Clemente V. Porén, desde principios do século XIII existía unha institución que educaba nas artes da Medicina e do Dereito, financiada principalmente polo concello de Perugia. Antes de 1300 está testemuñada a presenza de varias universidades scholarium. O xurista civil Iacopo da Belviso ensinou alí dende 1316 até 1324. O 1 de agosto de 1318 o papa Xoán XXII concedeu á Universidade o dereito de conferirlle títulos en dereito civil e canónico, e o 18 de febreiro de 1328 en medicina e artes..
O 19 de maio de 1355 o emperador Carlos IV de Luxemburgo promulgou un edicto para reforzar as bulas papais e elevar a Universidade ao rango de imperial, co fin de favorecer o renacemento da cidade tras as vagas de peste dos anos 1348-49. En 1362 o Cardeal Niccolò Capocci fundou o Collegium Gregorianum (máis tarde rebautizado como "Sapienza vecchia"), que no momento da súa constitución podía albergar ata corenta mozos. Nunha visita á cidade o 11 de outubro de 1371, Gregorio XI elevou a facultade de teoloxía, acabada de formar, ao nivel de Studium Generale. Esta facultade foi suprimida, e as súas propiedades entregadas á universidade, en 1811. En 1426 naceu o Collegio di San Girolamo por iniciativa de Benedetto Guidalotti, bispo de Recanati, e co beneplácito de Martín V..
Idades moderna e contemporánea Durante a república xacobina, en 1798, a Universidade cambiou a súa situación da praza de Sopramuro (Matteotti), tras a expropiación do antigo convento olivetano de Montemorcino (1740, Luigi Vanvitelli), onde estableceu a súa residencia. A biblioteca universitaria, creada no século XIV, conta cun catálogo de máis de 200.000 volumes e textos antigos procedentes principalmente de corporacións relixiosas suprimidas..
Máis tarde renomeado como Sapienza Nuova, foi un albergue gratuíto para estudantes estranxeiros que non podían pagar os seus estudos, e fusionouse coa universidade en 1829. Coa restauración papal (1814 - 1860) Pío VII reabriu a Sapienza Nuova co nome de Collegio Pio e o 27 de agosto de 1824 León XII converteuno no colexio principal da universidade. Coa unificación de Italia, en 1860 a Universidade de Perugia pasou á xurisdición do reitor e do concello, que, unha vez establecidos novos estatutos, inspirados nos da Universidade de Boloña, someteronos á aprobación do goberno. Nos anos trinta, grazas ao reitor Paolo Orano, súmanse as Facultades de Ciencias Políticas, Veterinaria, Química e Agricultura..
Durante o reitorado de Giuseppe Ermini (1945-1976) a Universidade viviu un período de consolidación e expansión co establecemento de novas facultades: Ciencias (1957), Literatura e Filosofía (1958), Maxisterio (1965), Enxeñaría (1968) e Economía (1969). Estrutura thumb|Palazzo Murena O reitorado e a administración central da universidade teñen a súa sede en Perugia e os dezaseis departamentos que imparten a maioría dos cursos da oferta educativa están situados na zona da cidade. As estruturas universitarias descentralizadas tamén están presentes en Asís, Foligno, Narni e Terni.
Departamentos Tras a entrada en vigor da reforma Gelmini, a partir do 1 de xaneiro de 2013 a Universidade divídese en catorce departamentos:
Química, bioloxía e biotecnoloxía Economía Filosofía, ciencias sociais, humanas e da educación Física e xeoloxía Dereito Enxeñaría Enxeñaría civil e ambiental Letras: linguas, literaturas e civilizacións antigas e modernas Matemáticas e informática Medicina e Cirurxía Medicina veterinaria Ciencias agrarias, alimentarias e ambientais Ciencias Farmacéuticas Ciencias políticas
Radio "Radiophonica" é a radio oficial en liña para estudantes de televisión das universidades da Umbría. Nado en 2008 co apoio da Rexión Umbría e da Axencia para o dereito á educación universitaria da Umbría ADISU xunto coa asociación cultural L'Officina Musicale. A emisora está asociada á rede RadUni.
Alumnado e profesorado No curso 2021-2022 matriculáronse 27000 alumnos na Universidade de Perugia.
Entre os alumnos e profesores destadados están San Xoán de Capistrano, Cesare Borgia, Luca Pacioli, Jacobus de Belviso, os físicos Gentile da Foligno e Bernardo Dessau, os papas Nicolao IV, Gregorio XI, Inocencio VII, Martiño V, Pío III, Xulio II, Xulio III, Urbano VII, Gregorio XIV, Clemente VIII e Paulo V, a Gobernadora Xeral do Canadá e Secretaria Xeral da Francofonía, Michaëlle Jean, ou a actriz Monica Bellucci.
Notas
Véxase tamén
Perugia Universidade para Estranxeiros de Perugia Academia Romana Constantiniana
Bibliografía AA. VV., Umbria, Milán, Touring Club Italiano, 2004. Giancarlo Dozza, Università di Perugia sette secoli di modernità 1308-1976, Perugia, Delta, 1991. Giuseppe Ermini, Storia della Università di Perugia, Bologna, Zanichelli, 1947. Clemente Fusero, Cesare Borgia, Milano, Dall'Oglio, 1958. I Rettori dall’unità d’Italia a oggi (PDF), in l'Università, XXV, nº 2, Perugia, Università degli Studi di Perugia, marzo/maio 2007, p. 2.
Ligazóns externas http://www.unipg.it/ páxina web oficial
Categoría:Universidade de Perugia Categoría:Grupo Compostela de Universidades