miniatura|Situación de Eirís de Abaixo no "barrio-territorio" de Eirís.Estudos previos
Eirís é un barrio pertencente ao concello da Coruña, do cal entrou a formar parte en 1912 trala absorción do concello de Oza. Abarca os núcleos de poboación de Eiris de Arriba, Eirís de Abaixo, Casanova de Eirís, Castaño de Eirís e Canteira de Eirís
Xeografía
É unha zona pouco poboada de vivendas unifamiliares e campo, aínda que tamén se poden atopar bloques de edificios na zona da Canteira de Eirís e no novo barrio de Xuxán. Está situado nun outeiro alto ao SE da cidade, entre O Castrillón, Elviña e Palavea.
Eirís era a zona agrícola da cidade, sendo maiormente coñecida polo cultivo dos amorodos. O que era zona de cultivo atopábase entre a Avenida Alfonso Molina, barrio das Flores, a estrada de Eirís e o colexio dos Maristas. Desapareceu completamente por causa das obras para a construción do novo barrio de XuxánO parque Ofimático cambia de nome de xeito oficial a Xuxán (antes Parque OfimáticoAdeus, Ofimático. Ola, barrio de Xuxán) e da estrada AC-10.
Historia
Fálase dun asentamento romano cuxos restos foron achados a principios de século preto do Castelo de Eirís, no parque de Eirís. Eirís ten orixes rurais, mais foi aumentando de xeito descontrolado a súa superficie urbanizada, o que fixo que boa parte do seu patrimonio natural e arquitectónico fose desaparecendo. Aínda así consérvase o Castelo de Eirís, unha casa forte que comezou a construíuse en 1636, e finalizouse en 1655, a principios do século XX aínda estaba en pé gran parte deste forte ou casaforte, actualmente está en ruínas.
O veciño máis famoso do barrio é o escritor Uxío Carré Aldao, nado en Eirís de Abaixo o 5 de novembro de 1859 e que dá nome a asociación de veciños do barrio.
Servizos públicos
Os servizos educativos son servidos, a falta de colexios públicos no barrio, polo colexio privado colexio Eirís.
Carece de atención sanitaria primaria, para a cal os seus veciños débense desprazar até o Barrio de Matogrande, aínda que atopase lindante ao Complexo Hospitalario Universitario A Coruña, o maior hospital da cidade da Coruña e punteiro tanto nivel galego como español.
O parque de Eirís é a principal zona verde do barrio e a máis descoñecida polos que non son dos barrios limítrofes. O skate park, a gran cúpula ou o estanque reconvertido en zona húmida son algúns dos atractivos deste espazo de máis de 8 hectáreas inaugurado en 2004 e que agocha un pasado romano aínda por descubrir, na súa contorna atópase un campo de fútbol, así como o centro cívico. O barrio tamén conta cun punto limpo en Eirís de Arriba.
A biblioteca pública máis próxima é a do centro cívico do Castrillón.
A Compañía de Tranvías da Coruña presta os seus servizos coa liña 1A http://www.tranviascoruna.com/gl/lineas-y-horarios/?linea=2.
Festas
Tradicionalmente a festa de Eiris, hoxe desaparecida, celebrábase polo San Antonio, a fin de semana seguinte a festa de Palavea, no desaparecido campo de fútbol do Racing de Eirís. Como remedio desta desaparecida festa, a día de hoxe o concello celebra a Festa de Fresa no mes de agosto encadrada dentro das Festas da Coruña, en lembranza do cultivo no barrio desta froita.
Galería
Notas
Véxase tamén
Ligazóns externas
Eirís