Armentières é unha comuna francesa situada no departamento de Norte, na rexión Hauts-de-France.

Forma parte da Metrópole europea de Lille.

Antigo buque insignia da industria téxtil, a cidade aínda se chama ás veces a Cité de la Toile, alcume herdado do século XI.Portail de Lille Métropole - Armentières, LMCU, 2010. Consultado o 12 de novembro de 2022.

Xeogafía Armentières encóntrase na beira do río Weppes, no Flandres románico, ao noroeste da metrópole europea de Lille, a uns quince quilómetros da capital de Flandres.

O seu distrito norte de Bizet limita con Bélxica.

A comuna, situada a unha altitude entre os 11 e os 20 msnm, ocupa unha superficie de 6,28 km².

A súa poboación, segundo o censo de 2018, era de 24 778 habitantes, polo que a súa densidade de poboación, nese ano, era de 2 115,3 hab./km².

Demografía

Xeoloxía A cidade foi construída orixinalmente no medio dun vasto pantano inundado polo río Lys, do que aínda quedan algunhas zonas húmidas, en particular o Prés du Hem.

O val do Lys é un importante corredor biolóxico, apoiado pola comunidade urbana de Lille e o consello rexional de Nord-Pas-de-Calais baixo o cinto verde.

Un dos brazos do río, que atravesaba o casco urbano de Armentières, foi desviado a mediados do século XX.

Hidrografía A cidade está atravesada polo río Lys (afluente do Escalda), parcialmente subterráneo no centro da cidade. No seu territorio construíuse unha esclusa, preto do estadio Léo-Lagrange.

Clima O clima que caracteriza á cidade está cualificado, en 2010, como "clima oceánico degradado das chairas do Centro e do Norte”, segundo a tipoloxía dos climas de Francia que posúe entón oito grandes tipos de climas na Francia continental.Daniel Joly, Thierry Brossard, Hervé Cardot, Jean Cavailhes, Mohamed Hilal et Pierre Wavresky, «Les types de climats en France, une construction spatiale», Cybergéo, revue européenne de géographie - European Journal of Geography, nº 501,‎ 18 de xuño de 2010.

En 2020, a cidade sae do tipo de "clima oceánico alterado" na clasificación establecida por Météo-France, que agora só contabiliza, a primeira vista, cinco tipos principais de climas na Francia continental. É unha zona de transición entre o clima oceánico, o clima de montaña e o clima semicontinental. As diferenzas de temperatura entre o inverno e o verán aumentan coa distancia ao mar. As precipitacións son máis baixas que na beira do mar, agás preto dos relevos."Le climat en France métropolitaine", En [arquivo, 4 de febreiro de 2020.

Os parámetros climáticos que permitiron establecer a tipoloxía de 2010 inclúen seis variábeis de temperatura e oito de precipitación, cuxos valores corresponden á norma 1971-2000.

Historia Armentières formaba parte do Condado de Flandres. Anexionada aos Países Baixos españois en 1482, mediante o tratado de Aquisgrán de 1668 pasou a Francia, que xa a ocupara entre 1645-1647.

Cultura e patrimonio local

Lugares e monumentos

O campanario da Casa do Concello (arquitecto Louis-Marie Cordonnier - 1934) está considerado, desde 2005, como Patrimonio Cultural da Humanidade pola UNESCO.

Notas

Categoría:Cidades de Francia Categoría:Concellos do departamento do Norte