Cucujus é un xénero de escaravello da familia Cucujidae. Contén 19 especies e subespecies actualmente recoñecidas.
Descrición
As especies de Cucujus son de tamaño moderado (6-25 mm), moi comprimidas dorsoventralmente e de vivas cores, xeralmente vermellas e negras. Ademais, poden distinguirse doutros membros da familia porque a cabeza é xeralmente máis ancha que o pronoto con tempas prominentes, e os xenitais alongados e invertidos do macho teñen un flaxelo. O xénero vive na rexión holártica, e ten especies indíxenas de América do Norte, Europa e Asia. A súa maior diversidade dáse en Asia.
Ecoloxía
A bioloxía da maioría das especies do xénero non se coñece ben. Todos os estadios do animal viven baixo as codias das árbores, onde aparentemente son predadores. As larvas están tamén comprimidas dorsoventalmente. Cucujus clavipes puniceus, que vive ne América do Norte, foi moi investigada debido á súa capacidade de producir compostos anticonxelantes naturais.
Especies Cucujus bicolor Smith, 1851 Cucujus chinensis Lee & Sâto, 2007 Cucujus cinnaberinus Scopoli, 1763 Cucujus clavipes Fabricius Cucujus clavipes clavipes Fabricius, 1781 Cucujus clavipes puniceus Mannerheim, 1843 Cucujus coccinatus Lewis, 1881 Cucujus coloniarius (Olliff, 1885) (sinónimo de C. bicolor?) Cucujus costatus Zhao & Zhang, 2019 Cucujus elongatus Lee & Pütz, 2008 Cucujus grouvellei Reitter, 1877 Cucujus haematodes Erichson Cucujus haematodes haematodes Erichson, 1845 Cucujus haematodes caucasicus Motschulsky, 1845 Cucujus haematodes opacus Lewis, 1888 Cucujus janatai Háva, Zahradník & Růžička, 2019 Cucujus kempi Grouvelle, 1913 Cucujus mniszechi Grouvelle, 1874 Cucujus muelleri Bussler, 2017 Cucujus nigripennis Lee & Sâto, 2007 Cucujus tulliae Bonacci, Mazzei, Horák, & Brandmayr, 2012
Notas
Categoría:Cucujiformia