Ferrovial S.E. é unha empresa multinacional que opera no sector das infraestruturas do transporte e da mobilidade, a través de catro divisións: Autoestradas, Aeroportos, Construción e Infraestruturas Enerxéticas e de Mobilidade.
En abril de 2023 a xunta xeral de accionistas aprobou unha fusión entre a matriz, Ferrovial, S.A. (como entidade absorbida), e Ferrovial International SE (como sociedade absorbente), filial ao 100% de Ferrovial domiciliada nos Países Baixos que xa era titular do 86% dos activos da compañía, o que supuxo o traslado da sede da matriz do grupo dende España aos Países Baixos. Á vez, informouse á Comisión Nacional do Mercado de Valores que pedirá a admisión a negociación das accións de Ferrovial International SE en Euronext Ámsterdam e nas Bolsas e Mercados Españois para a súa negociación a través do SIBE, para posteriormente solicitar a admisión a negociación nunha das bolsas de valores dos Estados Unidos de América.
O sector das autoestradas desenvolve, financia e opera peaxes en estradas coma a 407 ETR, North Tarrant Express, LBJ Express, Euroscut Azores, I-66, I-77, NTE35W.
O sector dos aeroportos desenvolve e executa os aeroportos de Heathrow, Glasgow, Aberdeen e Southampton.
O sector da construción deseña e realiza obras públicas e privadas tales como estradas, autoestradas, aeroportos e edificios.
O sector das infraestruturas enerxéticas e de mobilidade encárgase da xestión de proxectos de enerxías renovables e servizos de mobilidade urbanos.
A división de servizos foi vendida a finais do 2021 á sociedade xestora de capital risco Portobello capital. Ferrovial está presente en máis de 9 países onde operan as súas liñas de negocio.
Notas
Ligazóns externas
Páxina web
Categoría:Ibex 35