Juan Abarca Cidón, nado en Madrid en 1971, é un médico, avogado e empresario español. Preside o grupo hospitalario HM Hospitales e a empresa de peritaxe PROMEDE. Forma parte do lobby ou grupo de presión que promove a sanidade privada en España.
Traxectoria É fillo dos médicos Juan Abarca Campal e Carmen Cidón Tamargo, fundadores do grupo HM Hospitales.M. Puertas "“Mi hospital no ha sido posible porque en Salamanca es difícil romper lo establecido por los poderosos” Revista Salamanca Médica. Nª 40, decembro de 2010 Estudou a licenciatura de Medicina na Universidade Complutense de Madrid e doutorouse pola Universidade San Pablo CEU en 2017, coa tese Análisis de la Ley General de Sanidad en el Siglo XXI. Propuestas para un modelo sostenible. En 1997, tras a especialización do MIR en Medicina Familiar e Comunitaria, foi nomeado subdirector médico do Hospital Universitario HM Montepríncipe e, máis adiante xerente. Desde 2016 preside o grupo.
En 2002 fundou a empresa Profesionales de la Medicina e el Derecho S.A (PROMEDE) que realiza peritaxes sanitarias e valoracións do dano corporal no eido xudicial, e da que é presidente e conselleiro delegado.
Como empresario do sector da saúde forma parte do grupo de presión política para conseguir vantaxes para o sector empresarial da saúde. Foi fundador, xunto a outros, do Instituto para o Desenvolvemento e Integración da Sanidade (Fundación IDIS), que defende os intereses da sanidade privada; foi secretario xeral ata 2015 e é presidente desde 2019.
Publicou ensaios e artigos sobre sanidade, destacando a súa columna “Diario de la Resistencia” que publicou durante a pandemia, e colaborando como articulista en varios medios de comunicación.
Entre outros cargos, é vicepresidente da Asociación Española de Dereito Sanitario, e foi membro do Consello Asesor do Ministerio de Sanidade entre 2012 e 2019.
Recoñecementos Rcibiu diversos premios e recoñecementos, entre outros, o “Personalidade Sanitaria”, da revista Redacción Médica (2014), Medalla de Honra da Fundación Bamberg (2017), o Premio Asociación Española de Directores de Recursos Humanos, 2021, e o Premio Madrileño do Ano en 2023.
Publicacións Abarca Cidón, J. El sistema sanitario español. De sus orígenes hasta nuestros días, Ed. Esfera de los libros, 2019 Abarca Cidón, J. y Pérez Iñigo, F. Un modelo de hospital. Ed. Ars Médica, 2001 (4 ediciones) Abarca Cidón, J. y Juan-Peláez, F. Actuación profesional en el ámbito hospitalario, Ed. Aula Salud Siglo XXI, 2003. VVAA Reflexiones sobre la colaboración pública-privada en atención sanitaria. Ed. Raiz Publicidad, 2018 VVAA Propuestas de fortalecimiento del sistema nacional de salud en la era postcovid. Ed. Merck Salud, 2021
Notas
Categoría:Médicos de España Categoría:Nados en Madrid Categoría:Alumnos da Universidade Complutense de Madrid Categoría:Nados en 1971