Mitja Borkert, nado o 17 de marzo de 1974, é un deseñador de automóbiles e enxeñeiro xefe alemán. Foi director de Lamborghini Centro Stile desde 2016. Tamén foi deseñador en Porsche de 1999 a 2016.
Traxectoria Borkert naceu en 1974 en Herzberg, Elster, na que entón era a Alemaña Oriental, e despois da caída do muro de Berlín, comezou a asistir ao departamento de deseño da Universidade de Ciencias Aplicadas de Pforzheim e licenciouse en deseño de transportes.
En 1999, Borkert foi contratado por Porsche no seu centro de estilo en Weissach, onde ocupara diversos cargos, os principais dos cales foron o de Director Xeral de Deseño Avanzado e, en 2014, de Director de Deseño Exterior. Aquí, deseñou o Panamera Sport Turismo e o Porsche Boxster 987, colaborando na creación da segunda xeración Cayenne, o Macan e o Mission E. Despois de 17 anos en Porsche, abandonou a compañía en abril de 2016 para asumir o papel de Director de Centro Estilo de Lamborghini, en substitución de Filippo Perini, quen pasou a dirixir Italdesign.
En Lamborghini, Borkert ocúpase da construción do Aventador S e dalgunhas versións especiais do Huracán como o Perfomante. En 2017, en colaboración co Instituto de Tecnoloxía de Massachusetts en Boston, deseñou o concept car Terzo Millennio.
Galería
Notas
Categoría:Nados en 1974 Categoría:Deseñadores de Alemaña Categoría:Deseñadores de automóbiles