O FMA IAe 33 Pulqui II (en lingua mapuche Pulqúi significa frecha) foi un caza a reacción deseñado por Kurt Tank a finais dos anos 40 na Arxentina, baixo o goberno de Juan Perón, e construído pola Fábrica Militar de Aviones (FMA).Green e Pollinger 1955, p. 105 Incorporando moitos dos elementos de deseño do Focke-Wulf Ta 183, un proxecto de caza da Alemaña nazi non realizado,Meyer 2007, p. 98 a FMA visualizou o IAe 33 Pulqui II como sucesor do Gloster Meteor F4 de posguerra en servizo coa Forza Aérea da Arxentina. O desenvolvemento do Pulqui II foi relativamente problemático e longo, con dous dos catro prototipos perdidos en accidentes mortais. A pesar de que un dos prototipos foi probado con éxito en combate durante a Revolución Libertadora de 1955, os retos políticos, económicos e técnicos aos que se enfrontou o proxecto fixeron que o IAe 33 non puidese alcanzar todo o seu potencial e o goberno arxentino finalmente optou por comprar F-86 Sabre dos Estados Unidos en lugar de continuar o desenvolvemento do caza indíxena ata o estado de produción.Green 1979, p. 304
Notas
Bibliografía
Green, William, ed. "FMA I.AE.33 Pulqui II, Argentina". Air International, Volume 16, No. 6, xuño de 1979, p. 304. .
Green, William e Gerald Pollinger. The Aircraft of the World. Londres: Macdonald, 1955. .
Meyer, Ingolf. Luftwaffe Advanced Aircraft Projects to 1945: Volume 1: Fighters & Ground-Attack Aircraft, Arado to Junkers (Luftwaffe Advanced Projects). Hinckley, UK: Midland, 2007. .
Categoría:Aeronaves de FMA Categoría:Aeronaves co primeiro voo en 1950