Markel Etxeberria Mendiola, nado en Erandio o 15 de febreiro de 1995, é un futbolista español que xoga como lateral dereito no Sestao River, da Primeira División RFEF.
Traxectoria Nacido en Erandio, formouse como futbolista na canteira do Athletic de Bilbao. En 2012 debutou co segundo filial do club, o Basconia, e antes de xogar ningún partido co primeiro filial foi convocado polo conxunto principal para un partido da Europa League ante o HJK Helsinki, aínda que non chegou a debutar.
Xa nas filas do Bilbao Athletic, disputou 35 partidos na tempada 2014/15, na que o seu equipo logrou o ascenso á Segunda División. Disputou o seu primeiro partido na categoría de prata nun empate sen goles en San Mamés ante o Huesca. Disputou un total de 30 encontros na tempada, que rematou co equipo descendendo de novo a Segunda B.
Nas tempadas 2016/17 e 2017/18 xogou cedido no Real Valladolid e no Numancia respectivamente. En xuño de 2018 rematou o seu contrato co Athletic e asinou un contrato permanente co Numancia. Posteriormente militou no Cartagena, Barakaldo e Eldense, antes de fichar polo Sestao River en xaneiro de 2022.
Notas
Categoría:Nados en Erandio Categoría:Nados en 1995 Categoría:Futbolistas do País Vasco Categoría:Defensas de fútbol Categoría:Xogadores do CD Baskonia Categoría:Xogadores do Bilbao Athletic Categoría:Xogadores do Real Valladolid Categoría:Xogadores do CD Numancia Categoría:Xogadores do FC Cartagena Categoría:Xogadores do Barakaldo CF Categoría:Xogadores do CD Eldense Categoría:Xogadores do Sestao River Club