Neo Rauch, nado en Leipzig o 18 de abril de 1960, é un pintor alemán contemporáneo.
Vida privada Rauch está casado coa pintora Rosa Loy e vive en Markkleeberg, preto de Leipzig. Teñen un fillo adulto. Rauch traballa na antiga Leipziger Baumwollspinnerei (fiadura de algodón).
Traxectoria Rauch estudou pintura na Facultade de Gráfica e Arte do Libro de Leipzig, de 1981 a 1986, con Arno Rink. De 1986 a 1990 foi estudante de máster con Bernhard Heisig. Foi o asistente de Arno Rink na Academia de Leipzig, de 1993 a 1998. De 2005 a 2009, foi profesor da universidade e, de 2009 a 2014, profesor honorario.
Obra Rauch pertence á Nova escola de Leipzig. As súas monumentais pinturas teñen influencias do surrealismo, especialmente de Giorgio de Chirico e René Magritte, e do realismo socialista e dos muralistas mexicanos de mediados do século XX, minando a intersección da súa historia persoal coas políticas da alienación industrial.
A súa obra, de moi alta cotización no mercado e presentada en moitas exposicións internacionais, foi exposta en 2001 na Bienal de Venecia, e en 2005 no CAC de Málaga.
Notas
Categoría:Nados en 1960 Categoría:Nados en Leipzig Categoría:Pintores de Alemaña Categoría:Pintores do século XX Categoría:Pintores do século XXI