Julio Ballesteros Curiel, que asinaba co pseudónimo O’Juliel Becuri, nado en Lugo o 22 de xullo de 1882 e finado en Cortegada o 25 de xaneiro de 1952, foi un militar, policía, mestre e escritor galego.
Traxectoria Fillo de Ramón Manuel María Ballesteros Gil. Sarxento do rexemento Zamora en Ferrol, examinouse na Escola Normal de Santiago de Compostela e obtivo o título de mestre de primeiro ensino en 1905. En 1915 era tenente de infantería, marchou a Ksar El Kebir en 1917, participou na guerra guerra do Rif obtendo varias medallas. Retirouse o 7 de febreiro de 1927 co grao de capitán. Integrouse no Corpo de Seguridade de Pontevedra como tenente-xefe, exercendo en Vigo. Cando se produciu o golpe de Estado do 18 de xullo de 1936 presentouse voluntario e incorporouse ao Rexemento de Infantería Zaragoza nº 30. Foi ferido por metralla en Lubrios del Naranco (Asturias) o 21 de febreiro de 1937. Foi condecorado con dúas cruces de guerra, tres cruces vermellas e a medalla da Campaña, e retirouse como comandante. Herdou do seu irmán Manuel a Casa de Sesto en Ribela.A Casa de Sesto
Foi autor de varios libros, e coa colaboración do seu irmán Manuel publicou Verbo de los arginas. Jerga-latín de los canteros, en 1930.Galicia, 27-9-1932, p. 6. Colaborou en La Voz de Galicia, Vida Gallega, Diario de Galicia, El Diario de Pontevedra e El Eco Franciscano.
Obras (asinadas como O’Juliel Becuri) Triunfo de Marte. Fracaso de ensayos y proyectos que ya hubo de paz perpetua, 1918 Filología y lingüística ibérica, 1919. Cervantes, rector de colegio, pedagogía del Quijote, 1919. Memorias de Maria Luisa. Como piensan las solteras desde los 14 hasta los 49 años, 1920. Verbo dos arginas. Jerga-latín de los canteros, con Manuel Ballesteros Curiel, 1930.El verbo dos arginas Naiciña aldea. Luceiro d'a parroquia, 1947.
Vida persoal
Casou en Cortegada con Celsa Ramona Castro Carpintero o 5 de decembro de 1927,El Progreso, 10-12-1927, p, 3. e foi pai de Julio, Jesús, María Inocencia, Emilio e Celsa Ballesteros Castro. Notas
Véxase tamén Bibliografía Ballesteros del Mazo
Categoría:Militares de Galicia Categoría:Profesores de Galicia Categoría:Escritores de Galicia en lingua castelá Categoría:Escritores de Galicia en lingua galega
Categoría:Nados en Lugo
Categoría:Nados en 1882 Categoría:Finados en 1952