miniatura|As xogadoras do Red Deer Amazons Hockey Club durante a tempada 1933-1934. Fila superior (de esquerda a dereita): Evelyn Hewson, Lois Botterill, Irene Dell, Dorothy Kitching, Helen Hayhoe. Fila intermedia (de esquerda a dereita): Evelyn Bond, Evie Nicholls, Audrey Stephenson, Adelyne Stephenson, "Babe" Thompson. Fila inferior (de esquerda a dereita): "Scotty" Lee (adestrador), Ernie Wells (director).
O Red Deer Amazons Hockey Club foi un equipo feminino de hóckey sobre xeo da cidade de Red Deer, Alberta (Canadá). O equipo fundouse en 1926 e xogou o seu derradeiro partido en 1941.
Historia Inicios do hóckey feminino en Red Deer e fundación do club O primeiro partido de hóckey sobre xeo feminino disputado na provincia de Alberta do que se ten constancia data de 1897 na cidade de Medicine Hat. Se ben os equipos de Edmonton e Calgary teñen salientado no hóckey feminino da rexión, a cidade de Red Deer converteuse nun foco importante dende 1904, cando se xogou o primeiro partido feminino na cidade.
A pesar de que o hóckey sobre xeo feminino practicouse de xeito constante na cidade dendê a tempada 1904-05, non foi ata vinte anos máis tarde cando se fundou o equipo feminino máis dominador de Red Deer, as Red Deer Amazons.
As Red Deer Amazons fundáronse en 1926, e xa een 1928 conseguiron chegar ata a final do Northern Alberta Intermediate, na que caeron fronte as Edmonton Rangers, tamén coñecidas como as Bennett Rangers. Na tempada o equipo acadou novamente a final, mais unha vez máis perderon fronte ás Bennett Rangers.
Época dourada Logo das dúas finais pedidas de xeito consecutivo, en 1930 as Amazons chegaron ao máis alto da clasificación con vitorias fronte a Innisfill e Lacombe. A prensa da época fíxose eco do dominio do equipo de Red Deer, e a mediados de abril de 1930 o Calgary Herald informou de que o equipo se proclamara campión intermedio de hóckey feminino do norte de Alberta, levándose a Red Deer a Twin City Cup, o seu primeiro título importante.
Palmarés 2 Alpine Cup: 1934 e 1935
Notas
Véxase tamén
Outros artigos Central Alberta Amazons
Bibliografía
Categoría:Equipos femininos de hóckey sobre xeo desaparecidos do Canadá Categoría:Equipos de hóckey sobre xeo de Alberta