As guerras romano-partas (54 a. C. - 217 d. C.) foron unha serie de conflitos entre o Imperio Parto e a República e o Imperio Romano. Foi a primeira serie de conflitos no que serían 682 anos de guerras romano-persas.
As batallas entre o Imperio Parto e a República Romana comezaron no 54 a. C. Esta primeira incursión contra Partia foi rexeitada, especialmente na batalla de Carrhae (53 a. C.). Durante a guerra civil dos Liberadores do século I a. C., os partos apoiaron activamente a Bruto e Casio, invadindo Siria e conquistando territorios no Levante. Porén, a conclusión da segunda guerra civil romana trouxo un reforzo da intención romana en Asia Occidental.
En 113 d. C., o emperador romano Traxano fixo das conquistas orientais e da derrota de Partia unha prioridade estratéxica, e invadiu con éxito a capital de los partos, Ctesifonte, instalando a Partamaspates de Partia como un gobernante cliente. Porén, despois foi rexeitado da rexión polas rebelións. Hadriano, sucesor de Traxano, inverteu a política do seu predecesor, coa intención de restablecer o Éufrates como límite do control romano. Porén, no século II, a guerra por Armenia estalou de novo en 161, cando Vologases IV derrotou alí aos romanos. Un contraataque romano dirixido por Marco Estacio Prisco derrotou aos partos en Armenia e instalou un candidato favorito no trono armenio, e unha invasión de Mesopotamia culminou co saqueo de Ctesifonte en 165.
En 195, outra invasión romana de Mesopotamia comezou baixo o emperador Septimio Severo, quen ocupou Seleucia e Babilonia, pero non puido tomar Hatra. Partia foi finalmente tomada por unha rebelión persa liderada por Ardashir I, que entrou en Ctesifonte en 226. Baixo Ardashir e os seus sucesores, o conflito persa-romano continuou entre o Imperio Sasánida e Roma.
Notas
Categoría:Guerras do século -I Categoría:Guerras do século I Categoría:Guerras do século II Categoría:Guerras do século III Categoría:Guerras do Imperio Romano Categoría:Guerras da República Romana Categoría:Guerras do Imperio Parto