Miguel Fernández Méndez, nado na Ribeira de Piquín en 1955, é un político do PSdeG-PSOE que, en 2025, foi nomeado alcalde de Lugo.
Traxectoria De profesión enfermeiro, exerceu en Becerreá, Láncara e Lugo. En 2015 entrou na corporación na lista encabezada por Xosé Clemente López Orozco.
Cando no 2023, a alcaldesa Lara Méndez deixou o bastón municipal para participar na candidatura socialista das eleccións autonómicas do ano seguinte, de xeito inesperado, cedeullo a Paula Alvarellos en detrimento do favorito, nese momento, Miguel Fernández que ía de número 2 nas listas municipais e que se movera , nas eleccións, pola área rural pedindo o voto. En troques, ao mesmo tempo que mantiña a concellaría de Transición ecolóxica no concello de Lugo, foi designado deputado provincial recibindo as competencias sobre Vías e Obras.
No entanto, cando a alcaldesa Paula Alvarellos faleceu repentinamente en marzo de 2025, desta volta si asumiu o cargo, sendo investido o 11 de marzo de 2025.
Notas
Categoría:Nados na Ribeira de Piquín Categoría:Nados en 1955 Categoría:Alcaldes de Galicia durante a democracia Categoría:Alcaldes de Lugo Categoría:Alcaldes de Galicia polo PSdeG-PSOE Categoría:Políticos do PSdeG-PSOE