Germán Valera Karabinaite, nado en Murcia o 16 de marzo de 2002, é un futbolista español que xoga de extremo dereito no Elche , da Segunda División, cedido polo Valencia.
Traxectoria Nado en Murcia de nai lituana, formouse como futbolista nas categorías inferiores do Villarreal e do Atlético de Madrid. Para a tempada 2019/20 subiu ao Atlético de Madrid B, co que debutou na Segunda División B o 24 de agosto de 2019 ante o Marino de Luanco.
Debutou co primeiro equipo na Primeira División o 4 de xaneiro seguinte, substituíndo a João Félix no treito final dun partido contra o Levante. O 1 de febreiro de 2021 renovou o seu contrato co club ata 2026 e saíu cedido ao Tenerife, da Segunda División. Nos seguintes anos foi cedido sucesivamente á Real Sociedad B, ao Andorra e ao Valencia.
O 30 de agosto de 2024 asinou un contrato de catro anos co Valencia CF e en febreiro de 2025 foi cedido ao Elche, co que conseguiu o ascenso á Primeira División.
Notas
Categoría:Nados en Murcia Categoría:Nados en 2002 Categoría:Futbolistas da Rexión de Murcia Categoría:Centrocampistas de fútbol Categoría:Xogadores do Atlético de Madrid B Categoría:Xogadores do Atlético de Madrid Categoría:Xogadores do CD Tenerife Categoría:Xogadores da Real Sociedad B Categoría:Xogadores da Real Sociedad Categoría:Xogadores do FC Andorra Categoría:Xogadores do Real Zaragoza Categoría:Xogadores do Valencia CF Categoría:Xogadores do Elche CF