Fatima Mohammed Bernawi, tamén transliterado como Barnawi (en ), nada en Xerusalén en 1939 e finada no Cairo o 3 de novembro de 2022, foi unha militante afro-palestina vencellada a Fatah a mediados da década de 1960, un período significativo no conflito–palestino israelí. É coñecida polo bombardeo fallado dun cinema cheo de civís israelís en outubro de 1967.

Primeiros anos e contexto Bernawi naceu en Xerusalén en 1939. En 1948, con nove anos, a súa nai, palestina, foi desprazada durante a Nakba desde Xerusalén a un campo de refuxiados preto de Amán. Con todo, máis tarde regresaron a Palestina canda o seu pai, nixeriano, quen loitara na revolta árabe de Palestina de 1936, e quen ficara detrás.

Bernawi traballou como enfermeira en Saudi Aramco, a petroleira nacional de Arabia Saudita.

Vida política Bernawi é considerada a primeira militante palestina muller. Das 34 mulleres palestinas entrevistadas por Amal Kawar para oseu estudo Daughters of Palestine, Bernawi era unha das catro que se uniron ao movemento de resistencia inicialmente como loitadora pola liberdade antes de devir un política da resistencia. As outras eran Leila Khaled, Aisha Odeh e Rasmiyeh Odeh.

Bombardeo fallado e arresto En outubro de 1967 Bernawi puxo unha bomba no Cine Zion en Xerusalén Oeste. Bernawi dixo que escollera o obxectivo civil da bomba en protesta dun filme que homeaxeaba a Guerra dos Seis Días. A bomba non explotou e foi arrestada por soldados israelís. Bernawi afirmou que a súa cor de pel fora un factor para o seu arresto.

Malia ser condenada a cadea perpetua, Bernawi foi liberada nun intercambio de prisioneiros en 1977 despois de 10 anos en prisión. Foi deportada en 1979, mais regresou á Fatah. Anos despois converteuse na primeira xefa muller do Corpo de Policías Palestinas na Franxa de Gaza.

En 1994 Bernawi regresou á Franxa de Gaza e asumiu o liderado da policía de mulleres. En 1996 era «a muller de maior rango na milicia de Fatah e a líder da sección de mulleres da policía no autogoberno palestino da Franxa de Gaza e Xericó».

Recoñecemento O 28 de maio de 2015 foi condecorada polo Presidente da Autoridade palestina Mahmoud Abbas coa Estrela do Honor Militar «en recoñecemento ao seu labor pioneiro na loita» e «a prol do interese público».

Notas

Categoría:Finados en 2022 Categoría:Nados en 1939