miniatura|Indicacións de presenza de ordes militares asociadas co Reino de Xerusalén e a Terra Santa durante as cruzadas (en alemán). Unha orde militar (en latín: militaris ordo) é unha sociedade relixiosa cristiá de cabaleiros. As ordes militares orixinais foron os Cabaleiros Templarios, os Cabaleiros Hospitalarios, a Orde de Santiago, a Orde de Calatrava e os Cabaleiros Teutónicos. Xurdiron na Idade Media en asociación coas Cruzadas, tanto en Terra Santa, no Báltico e na Península Ibérica; os seus membros dedicáronse á protección dos peregrinos e á defensa dos estados cruzados. Son os antecesores das ordes de cabalaría.
A maioría dos membros das ordes militares eran homes laicos que facían votos relixiosos, como a pobreza, a castidade e a obediencia, segundo os ideais monásticos. As ordes posuían casas chamadas comendas en toda Europa e tiñan unha estrutura xerárquica liderada polo gran mestre.
Os cabaleiros templarios, a maior e máis influente das ordes militares, foron suprimidos a principios do século XIV; só un puñado de ordes foron establecidas e recoñecidas despois. Porén, algúns persistiron máis tempo nas súas funcións orixinais, como a Orde Soberana Militar de Malta e a Orde de San Xoán, os respectivos sucesores católicos e protestantes dos Cabaleiros Hospitalarios. Aquelas ordes militares que sobreviven hoxe en día evolucionaron en ordes puramente honoríficas ou cerimoniais ou ben, en fundacións benéficas.
Historia En 1053, para a batalla de Civitate, os Cabaleiros de San Pedro (Milites Sancti Petri) foron fundados como milicia polo Papa León IX para facer fronte aos normandos.
En resposta ás conquistas islámicas do antigo Imperio Bizantino, numerosas ordes militares católicas foron creadas tras a Primeira Cruzada. A fundación de tales ordes axeitábase ao plan da Igrexa católica de canalizar a devoción da nobreza europea cara á consecución dos obxectivos temporais da Igrexa, e tamén complementaba a Paz e Tregua de Deus. A fundación dos Templarios en 1118 proporcionou a primeira dunha serie de forzas militares estreitamente organizadas co propósito de opoñerse ás conquistas islámicas en Terra Santa e na Península Ibérica (reconquista) así como aos invasores islámicos e as tribos pagás do leste de Europa que foron percibidas como ameazas para a supremacía da Igrexa.
A primeira orde militar secularizada foi a Orde de San Xurxo, fundada en 1326 polo rei Carlos I de Hungría, mediante a cal fixo que toda a nobreza húngara lle xurase lealdade. Pouco despois, a Orde dos "Cabaleiros da Banda" foi fundada en 1332 polo rei Afonso XI de Castela. Ambas as ordes existiron só durante aproximadamente un século.
Finalidade As características orixinais das ordes militares eran a combinación de modos de vida relixiosos e militares. Algúns deles, como os Cabaleiros Hospitalarios, os Cabaleiros de Santo Tomé e a Orde dos Santos Mauricio e Lázaro tamén tiñan fins benéficos e coidaban aos enfermos e pobres. Porén, non eran institucións puramente masculinas, xa que as monxas podían unirse aos conventos das ordes. Unha característica significativa das ordes militares era que os irmáns clericais podían estar subordinados aos irmáns non pertencentes á orde.
En 1818, o orientalista Joseph von Hammer comparou as ordes militares católicas, en particular os Cabaleiros Templarios, con certos modelos islámicos como a seita musulmá dos Asasinos. En 1820, José Antonio Conde suxeriu que á orixe destes grupos viña relacionada co ribat, unha institución relixiosa fortificada que unía unha forma de vida relixiosa ou hospitalaria coa loita contra os inimigos do islam. Outros criticaron este punto de vista, suxerindo que non houbo tales fortificacións arredor de Outremer ata despois de que as ordes militares foran fundadas.
O papel e a función das ordes militares estendéronse máis aló da Terra Santa, Prusia e o Báltico. De feito, tiñan ampla participación e persoal en toda Europa Occidental. A maioría eran laicos. Proporcionaron un conduto para a innovación cultural e técnica, como a introdución do folón en Inglaterra polos Cabaleiros Hospitalarios e as instalacións bancarias dos Cabaleiros Templarios.
Lista de ordes militares Lístanse aquí as ordes militares en orde cronolóxica segundo as súas datas de fundación e extinción, ás veces aproximadas debido a escasas fontes, e/ou reiteradas supresións por parte das autoridades papais ou reais. Divídense en internacionais e nacionais segundo a súa adhesión e misión, sen ter en conta o alcance da distribución xeográfica fóra da súa rexión de interese.miniatura|Bandeira da Orde dos Cabaleiros templarios.
Internacionais c. 1099 – c. 1103 - Orde do Santo Sepulcro c. 1099 – c. 1113 - Orde dos Hospitalarios c. 1118 - Orde dos Templarios c. 1118 - Orde de San Lázaro c. 1192 - Orde Teutónica miniatura|A cruz de Santiago como foi usada pola Orde.
Nacionais 1075 - Orde de Santiago de Altopascio 1146 - Orde de Avís 1147 - Orde de San Miguel da Ala 1158 - Orde de Calatrava 1161 - Orde do Espíritu Santo
1162 - Orde de Aubrac
1170 - Orde de Santiago
1177 - Orde de Alcántara 1180 - Orde de Monte Gaudio 1188 - Orde de Truxillo 1191 - Orde de Santo Tomé 1196 - Orde de Monfragüe 1201 - Orde de San Xurxo de Alfama 1202 - Irmáns Livonios da Espada 1216 - Orde de Dobrin 1221 - Milicia da fe en Xesucristo 1231 - Orde de Monreal 1231 - Orde da Fe e da Paz 1233 - Cabaleiros da Cruz coa Estrela Vermella 1233 - Milicia de Xesucristo 1261 - Orde da Santísima Virxe María 1270 - Orde da Estrela 1317 - Orde de Montesa 1317 - Orde de Cristo 1348 - Orde da Xarreteira 1408 - Orde do Dragón 1434 - Orde dos Santos Mauricio e Lázaro 1459 - Orde da Torre e a Espada 1459 - Orde da Nosa Señora de Belén 1469 - Orde de San Xurxo de Carintia 1522 - Sagrada Orde Militar Constantiniana de San Xurxo 1561 - Orde de Santo Estevo Papa e Mártir
Notas
Véxase tamén Outros artigos Ordes relixiosas Cruzadas
Ligazóns externas Ordo Supremus Militaris Templi Hierosolimitani Universalis - Brasil
Categoría:Catolicismo