MareNostrum é a supercomputadora principal do Centro de Supercomputación de Barcelona. É a supercomputadora máis potente de España, unha das trece supercomputadoras da Rede Española de Supercomputación e unha das sete da infraestrutura europea PRACE (Partnership for Advanced Computing in Europe).
MareNostrum executa Red Hat Enterprise Linux, ocupa 180 m².
A supercomputadora utilízase na investigación do xenoma humano, na investigación de proteínas, nas simulacións astrofísicas, na predición meteorolóxica, na modelaxe xeolóxica ou xeofísica e no deseño de novos fármacos. Púxose en marcha por primeira vez o 12 de abril de 2005 e está dispoñible para a comunidade científica nacional e internacional.
Mare Nostrum ("o noso mar") era a expresión romana para referirse ao mar Mediterráneo. A supercomputadora está aloxada na capela desconsagrada Torre Girona da Universidade Politécnica de Cataluña en Barcelona, España.
Notas
Categoría:Supercomputadoras