Salem Saleh Salem bin Braik, nado en Mukalla o 3 de abril de 1965, é un político iemení que ocupa o cargo de primeiro ministro do Iemen desde o 3 de maio de 2025.
Traxectoria Naceu o 3 de abril de 1965 en Mukalla, unha cidade costeira do leste de Iemen xunto ao Golfo de Adén. Antes de ser nomeado primeiro ministro ocupou o cargo de ministro de Facenda. ata a dimisión de Ahmed Awad bin Mubarak, quen renunciou alegando dificultades para desempeñar o seu cargo, incluída a prohibición de implementar unha remodelación do gabinete.
O período de Bin Braik como primeiro ministro deu inicio nun momento no que o Iemen continúa a loitar contra unha prolongada guerra civil, cos rebeldes houthis controlando partes importantes do país, incluída a capital, Saná. En decembro de 2025, Salem Saleh bin Braik tivo que deixar Adén e refuxiarse en Riad, tras unha ofensiva do Consello de Transición do Sur, que tomou rapidamente o control da maior parte do antigo Iemen do Sur.
Notas
Categoría:Nados no Iemen Categoría:Nados en 1965 Categoría:Primeiros ministros do Iemen