Antonio Sola Villalba, nado en Utrillas o 24 de xaneiro de 2001, é un futbolista aragonés que xoga na posición de lateral esquerdo. O seu equipo actual é o Bergantiños Fútbol Club da Segunda Federación.
Traxectoria Primeiros anos Sola comezou a súa carreira deportiva nas categorías inferiores do Real Zaragoza, do CD Giner Torrero e do CD Utrillas. No ano 2015 ingresou en La Masia do Fútbol Club Barcelona.
Zaragoza O 27 de xullo de 2020, tras finalizar a súa formación, Sola regresou ao Zaragoza e foi asignado inicialmente ao Deportivo Aragón da Terceira División. O seu debut sénior co equipo filial tivo lugar o 18 de outubro de 2020, cando foi xogador titular nun partido contra o CF Illueca. O 15 de novembro dese ano marcou o seu primeiro gol sénior para unha vitoria por 2-1 contra a UD Fraga.
O debut profesional de Sola na Segunda División ocorreu o 22 de novembro de 2020, cando participou nun encontro do Real Zaragoza contra a Sociedad Deportiva Ponferradina. Neste partido Sola entrou como substituto de Sergio Bermejo e anotou un autogol para unha derrota final por 1-2.
Ejea No verán de 2024 anunciouse a fichaxe de Sola pola Sociedad Deportiva Ejea da Segunda Federación.
Bergantiños En xullo de 2025 pasou a formar parte do Bergantiños Fútbol Club da Segunda Federación.
Vida persoal Antonio Sola ten un irmán xemelgo, Raúl, que tamén é futbolista. Na tempada 2025/26 xoga no Atlético Sanluqueño da Primeira Federación.
Notas
Véxase tamén Ligazóns externas Antonio Sola en LaPreferente.com
Categoría:Nados en 2001 Categoría:Nados na provincia de Teruel Categoría:Futbolistas de Aragón Categoría:Defensas de fútbol Categoría:Xogadores do Real Zaragoza B Categoría:Xogadores do Real Zaragoza Categoría:Xogadores do Bergantiños FC