Prachuap Khiri Khan (en ) é unha cidade de Tailandia na rexión do sur.
É a capital da provincia de Prachuap Khiri Khan e está situada na costa dunha das faixas máis estreitas da terra tailandesa, a só 10 km da fronteira con Myanmar, no paso de Singkhon, a través das montañas Tenasserim.
A zona ten grandes industrias de piña e coco e é unha zona turística popular. A cidade está a 291 km ao sur de Bangkok por estrada.
Historia Prachuap Khiri Khan é unha das bases da Real Forza Aérea Tailandesa e foi un punto de invasión das tropas xaponesas o 8 de decembro de 1941, durante a Segunda guerra mundial.
En decembro celébrase unha conmemoración anual para honrar os 38 pilotos e civís tailandeses que morreron loitando contra o 143º Rexemento de Infantería xaponés na batalla de Prachuab Khirikhan.miniatura|260x260px| Estación ferroviaria de Prachuap Khiri Khan|esquerda Transporte Pódese chegar a Prachuap Khiri Khan desde Bangkok en tren na Liña Sur desde a estación de tren de Hua Lamphong.
A estrada principal, que atravesa a cidade de norte a sur, é a Ruta 4 (Autoestrada Phet Kasem). Ao norte, esta autoestrada conecta con Phetchaburi, Ratchaburi e Bangkok; ao sur, conecta con Chumphon, Ranong, Phang Nga, Krabi, Trang, Phatthalung e a fronteira con Malaisia preto de Sadao.
Prachuap Khiri Khan conta con acceso ao aeroporto de Prachuap, situado no extremo sur da cidade.
Industrias A empresa australiana ASC Pty Ltd e a empresa tailandesa Silkline International formaron unha empresa conxunta para construír tres lanchas patrulleras da clase Keka para a Mariña Real Tailandesa no estaleiro de Silkline en Pak Nam Pran, en Prachuap Khiri Khan.
Clima Prachuap Khiri Khan ten un clima tropical de sabana (Aw segundo a clasificación climática de Köppen-Geiger).
As estacións non son tan distintas como nas partes máis setentrionais de Tailandia; as temperaturas son bastante semellantes ao longo do ano e as estacións seca e chuviosa non están tan claramente definidas, con precipitacións apreciables en todos os meses.
Non obstante, en xeral, os meses de decembro a abril son os máis secos, con uns 45 milímetros cada mes, mentres que outubro e novembro son os meses máis húmidos con máis de 200 milímetros cada un.
Os outros meses, de maio a setembro, teñen un nivel intermedio de precipitacións duns 100 milímetros.
Galería
Notas
Véxase tamén
Tailandia do Sur
Categoría:Cidades de Tailandia