O IBM 3270 é unha familia de terminais de vídeo e impresora orientados a bloques, introducida por IBM en 1971, e que normalmente se usaba para comunicarse cos mainframes da empresa. O 3270 foi o sucesor do terminal de vídeo IBM 2260. Debido á cor do texto nos modelos orixinais, estes terminais coñécense informalmente como terminais de pantalla verde. A diferenza dun terminal orientado a caracteres, o 3270 minimiza o número de interrupcións de E/S necesarias ao transferir grandes bloques de datos coñecidos como fluxos de datos e usa unha interface de comunicacións propietaria de alta velocidade, mediante cable coaxial.
IBM xa non fabrica terminais 3270, pero o protocolo IBM 3270 aínda se usa habitualmente a través de clientes TN3270, emulación de terminais 3270 ou interfaces web para acceder a aplicacións baseadas en mainframe, ás veces denominadas green screen applications ("aplicacións de pantalla verde").
Modelos miniatura|Selector-pen de IBM en uso. O subsistema de terminal de visualización IBM 3270 consta de pantallas, impresoras e controladores. As características opcionais para o 3275 e o 3277 son o selector-pen ("bolígrafo selector"),Semellante a un lapis óptico, pero só permite seleccionar un campo en lugar de solicitar movemento. o conxunto de caracteres ASCII en lugar de EBCDIC, unha alarma audible e un bloqueo para o teclado. Estaba dispoñible un bloqueo numérico do teclado que o bloquearía se o operador intentase introducir datos non numéricos nun campo definido como numérico. Posteriormente, engadiuse un Operator Identification Card Reader ("lector de tarxetas de identificación do operador") que podía ler información codificada nunha tarxeta de banda magnética.
Notas
Véxase tamén
Ligazóns externas
Categoría:IBM Categoría:Terminais de ordenador