Octonauts é unha serie de televisión animada producida por Sony Pictures Television Kids para a canle CBeebies da BBC. Baséase nos libros para nenos escritos por Meomi, o equipo de deseño de Vicki Wong e Michael C. Murphy.
O espectáculo segue a un equipo de exploración submarina formado por animais antropomórficos estilizados, un equipo de oito aventureiros que viven nunha base submarina, o Octopod, dende o que emprenden aventuras submarinas coa axuda dunha frota de vehículos acuáticos. Aínda que a súa tecnoloxía é ficticia, as exóticas criaturas e lugares que a tripulación atopa baséanse en animais mariños reais. O tema do programa comparouse co de Star Trek e Thunderbirds mesturados con Jacques Cousteau.
Filmes En 2020, estreáronse dous filmes en Netflix: o 14 de agosto, The Octonauts Movie: The Caves of Sac Actun (que está ambientado nun cenote en México) e o 13 de outubro, The Octonauts & the Great Barrier Reef (un musical). En 2021, The Octonauts Movie: The Ring of Fire estreouse o 30 de marzo en Netflix nos Estados Unidos.
Notas
Categoría:Series de televisión iniciadas en 2010 Categoría:Series de televisión en lingua inglesa Categoría:Series de televisión do Reino Unido Categoría:Series de televisión do Canadá Categoría:Series de televisión de Irlanda