A anemia perniciosa (tamén coñecida coma Anemia aquílica macrocítica, Anemia perniciosa Conxénita, Anemia perniciosa xuvenil, Deficiencia de vitamina B12 (malabsorción)) é un tipo de anemia megaloblástica que é causada pola carencia de vitamina B12Elaine Nicpon Marieb e Katja Hoehn Human Anatomy & Physiology. Pearson Education, 7ª ed, 2007, páxina 655 que pode afectar a persoas que seguen unha dieta estritamente vexetariana ou, principalmente, a aqueles que presentan deficiencias do factor intrínseco, un produto químico segregado pola mucosa da membrana do estómago que facilita a absorción da vitamina, que é necesaria tamén para a formación dos glóbulos vermellos.

A vitamina B12 é necesaria para que as células nerviosas e sanguíneas funcionen de maneira axeitada, de tal forma que a súa deficiencia pode ocasionar unha ampla variedade de síntomas, incluíndo fatiga, dificultade para respirar, sensación de formigueo, dificultade para camiñar e diarrea.

Non se coñece o motivo da ausencia do factor intrínseco, aínda que pode deberse a unha deficiencia xenética ou a unha enfermidade autoinmune. Afecta principalmente aos adultos entre os 50 e 60 anos de idade, aínda que tamén se pode presentar unha forma xuvenil da enfermidade nos nenos, a anemia perniciosa, polo xeral, non aparece antes dos 30 anos. Pode afectar a todos os grupos raciais, mais a incidencia é maior nas persoas con descendencia escandinava ou europea nórdica.

Síntomas Os seguintes síntomas poden ser indicio dunha anemia perniciosa: dificultade para respirar. fatiga. palidez. perda do apetito. úlceras na boca. reflexo de Babinski positivo. perda dos reflexos tendinosos profundos. deterioración do sentido do olfacto. cambios de personalidade("tolemia megaloblástica"). frecuencia cardíaca rápida. problemas na lingua. marcha inestable (sobre todo na escuridade).

Complicacións

As persoas con anemia perniciosa poden presentar pólipos gástricos, se o tratamento se retarda poderían producirse defectos neurolóxicos persistentes. Ademais, a deficiencia de vitamina B12 incide sobre o aspecto de todas as células epiteliais, por isto, unha muller que non se trate podería obter un falso positivo na citoloxía vaxinal.

Tratamento

Obxectivos do tratamento: corrixir a anemia e as posibles alteración epiteliais. reducir os trastornos neurolóxicos e previr a súa aparición. normalizar os depósitos de vitamina B12.

As inxeccións mensuais de vitamina B12 resultan o tratamento definitivo para corrixir a deficiencia, así mesmo, unha dieta equilibrada é esencial para proporcionar outros elementos como o ácido fólico, o ferro e a vitamina C para o desenvolvemento de glóbulos saudables.

Notas

Categoría:Doenzas do sistema circulatorio