Osvaldo Fernando Ulloa Sánchez, nado o 21 de setembro de 1954 en Santiago de Chile e finado en 2008 en Viña del Mar, Chile, foi un escritor e activista polos dereitos humanos chileno.
Traxectoria Foi pai de cinco fillos. Estudou no Colexio Calazans dos Pais Escolapios. En 1982 viaxou a Nicaragua a coñecer a experiencia dos Talleres Populares de Poesía que levaba a cabo o entón Ministro de Cultura Ernesto Cardenal. De volta en Chile participou na actividade cultural contra a ditadura e foi encarcerado e relegado á localidade de Río Frío na zona austral do país. Foi membro do Movemento Contra a Tortura Sebastián Acevedo e, xunto cos sacerdotes José Aldunate, Mariano Puga e o Bispo José Hourtón, organizou encontros de dereitos humanos na institución que dirixiu ata 1990, o Centro Ecuménico Monseñor Oscar Romero.
No ano 2004 o Informe Valech recoñeceuno coma vítima política e de tortura co número 24735.
Traballou como profesor en diversas universidades do país impartindo materias como Estética, Teoría dos relatos, Redacción xornalística, Semiótica, Comunicación persuasiva, etc. Finou ás 23:55 horas do domingo 27 de xullo de 2008 na Clínica Miraflores, en Viña del Mar.
Categoría:Escritores de Chile Categoría:Escritores en lingua castelá Categoría:Nados en Santiago de Chile Categoría:Nados en 1954 Categoría:Finados en 2008