miniatura|Friqui (comiqueiro). Denomínase friqui (do inglés freak, que significa monstro, becho raro) á persoa obsesionada cun tema ou afección en concreto, normalmente considerada extravagante, ata o punto de convertelo nunha forma de vida. Normalmente relacionase coa informática, a banda deseñada, o anime xaponés, os filmes e series de ciencia ficción e fantasía, pero o termo pode estenderse a calquera gusto descomedido. Normalmente asóciase a un carácter introvertido ou difícil de relacionarse con persoas alleas á súa afección e a unha indumentaria non convencional. En casos moi extremos, o afeccionado obsesivo/compulsivo deixa de ser friqui e evoluciona a gosu ou geek.
Orixinalmente, os freaks eran persoas con algunha malformación ou anomalía física (mulleres barbudas, homes elefante ou persoas de estatura anormalmente alta ou baixa) e que eran exhibidas nos circos. Por iso, tamén se usa o termo friqui en sentido pexorativo referido a personaxes extravagantes nalgún sentido e que chegan a ter sona pola súa extravagancia a través da televisión ou Internet. A palabra freak en inglés conserva este significado.
Orgullo friqui Desde o ano 2006, o día 25 de maio celébrase o Día do Orgullo Friqui, que conmemora a estrea do primeiro filme de Star Wars: Episodio IV - Unha esperanza nova neste día de 1977 .
Equivalente de friqui noutros idiomas Aquí utilízase a definición de "obsesionado por unha afección concreta". Inglés: geek ou nerd. O primeiro refírese ós obsesionados cunha área do saber, como as ciencias naturais ou a música (academicamente falando); ó segundo atribúenselle máis coñecementos técnicos. Xaponés: otaku. En Occidente ten o significado de "fanático do manga/anime", pero no Xapón refírese ó que está obsesionado por calquera afección. Así, hai "anime otaku" ou "pasokon otaku" (fanático dos ordenadores) por poñer dous exemplos. Coreano: gosu.
Tipos de friquis Polo xeral os friquis céntranse nunha afección máis ou menos concreta, polo que se pode falar de subtipos, cos seus propios nomes. Segundo o contexto, algúns destes nomes poden ter connotacións negativas, ao igual que a propia palabra "friqui". A seguinte é unha lista de tipos que non pretende ser exhaustiva, segundo o tipo de afección e os temas relacionados.
Ciencia ficción: Star Trek (trekkies), Stargate, A guerra das galaxias, Matrix etc. Fantasía épica: O Señor dos Aneis ou en xeral a obra de J. R. R. Tolkien, Dragonlance etc. Videoxogos: videoxogos de consola (consoleiros). Estes poden ter unha afección particular cunha consola (como PlayStation 2 ou Game Cube, fixación cos primeiros videoxogos que se editaron ou dos máis clásicos (como Pac-Man ou Pong), ou por un determinado videoxogo ou saga de videoxogos (como Resident Evil, The Legend of Zelda, Counter Strike o Final Fantasy). Cómics (comiqueiros): banda deseñada en xeral, ou particularmente unha das tres grandes familias (banda deseñada europea, estadounidense ou xaponesa - neste último caso denomínanse otakus), banda deseñada underground, fanzines, dalgún debuxante ou dunha determinada época ou situación política (por exemplo, a banda deseñada española entre 1940 e 1970) etc. Xogos de rol (roleiros): xogos de rol en xeral ou algún xénero ou xogo en particular, por exemplo, os de fantasía épica ou D&D en particular. Xogos de mesa: xogos de cartas coleccionábeis (sobre todo de Magic), os xogos de miniaturas (como Warhammer) ou outros xogos de mesa (como Scrabble, Formula Dé, Trivial Pursuit etc). Informática e programación: Linux (linuxeiros), Macintosh (mackeiros), Windows (windowseiros), e a informática en xeral. Radio: Os rafioafeccionados ás veces chámaselles radiopitas ou, en inglés, "hams". Animación: animación en xeral ou, máis concretamente, un determinado autor, país, época ou xénero (por exemplo, a animación propagandística da segunda guerra mundial ou o anime xaponés).
Notas
Categoría:Sociedade