Coral del Río Otero, nada en Vigo en 1966, é unha economista galega.
Traxectoria Licenciouse en Economía en 1989 pola Universidade de Santiago de Compostela, doutorándose en 1996 pola Universidade Carlos III de Madrid co estudo Desigualdad y pobreza en España de 1980-81 a 1990-91. É profesora do departamento de Economía Aplicada da Universidade de Vigo, e pertence ao grupo de investigación "Distribución da renda, territorio e mercado laboral". Foi membro da Cátedra Caixanova de Estudos Feministas, e é directora da Unidade de Igualdade da UVigo.
Está especializada nas desigualdades económicas causadas polos aspectos de xénero no mercado laboral.
Ten publicado artigos e traballos en diversos medios.
En 2017 recibiu o Premio de Igualdade Ernestina Otero outorgado polo Consello Municipal da Muller e a Concellería de Igualdade do Concello de Vigo. Forma parte do Comité de Sabias da Cátedra de Feminismos 4.0 da Universidade de Vigo.
Notas
Véxase tamén
Ligazóns externas Páxina persoal en www.webs.uvigo.es .
Categoría:Economistas de Galicia Categoría:Nados en Vigo Categoría:Nados en 1966 Categoría:Alumnos da Universidade de Santiago de Compostela Categoría:Profesores da Universidade de Vigo