A Serie D é a cuarta categoría do fútbol en Italia, detrás da Serie A, a Serie B e a Serie C.
A liga regular da Serie D comeza normalmente en setembro e remata en maio ou xuño, xogando 34, 36 ou 38 partidos dependendo do grupo e está composto por 166 equipos en 9 grupos.
Grupos Grupo A - equipos de Piemonte, Liguria e Val de Aosta. Grupo B - equipos da Lombardía e Piemonte. Grupo C - equipos de Véneto, Friúl-Venecia Xulia e Trentino-Alto Adigio. Grupo D - equipos da Lombardía, Emilia-Romaña, Véneto e Toscana. Grupo E - equipos de Toscana, Umbría e o Lacio. Grupo F - equipos das Marcas, a Umbría, os Abruzos e Molise. Grupo G - equipos do Lacio e Sardeña. Grupo H - equipos de Campania, Apulia, Basilicata, Calabria e Molise. Grupo I - equipos de Campania, Calabria e Sicilia.
Ascenso O primeiro de cada grupo ascende á Serie C2, 9 equipos en total.
Normalmente algún equipo dunha división superior adoita ter problemas financeiros e xeralmente hai máis ascensos para ocupar as prazas da Serie C2. Estas prazas ocúpanas os equipos gañadores dos playoff.
Descenso Descenden á Eccellenza (6º nivel) catro equipos por grupo, descendendo os dous últimos clasificados directamente (17º e 18º), mentres que os equipos clasificados nos postos 13º ao 16º xogan unha eliminatoria (13 contra 16, contra 14 e 15). Os perdedores da eliminatoria perden a categoría, en total 36 equipos.
Categoría:Ligas de fútbol de Italia Categoría:Ligas de fútbol de cuarta división de Europa