miniatura|220px|Exemplar de grande idade no zoo de Oregón. A troita arco da vella (Oncorhynchus mykiss) é un peixe eurihalino de auga doce e de mar da familia dos salmónidos, distribuído de forma nativa polo norte do océano Pacífico, dende o Xapón pasando polo mar de Bering até Península de Baixa California, en México, aínda que de forma artificial foi introducida polo ser humano en medio mundo.Gall, G.A.E. e P.A. Crandell, 1992. "The rainbow trout". Aquaculture 100:1-10.

Anatomía A lonxitude máxima descrita foi dun exemplar que medía 120 cm, aínda que o normal é unha lonxitude máxima de 60 cm.Bristow, P., 1992. "The illustrated encyclopedia of fishes". Chancellor Press, Londres. Ten de 3 a 4 espiñas na aleta dorsal, do mesmo xeito que na anal, co corpo alongado, cilíndrico nos individuos novos e comprimido lateralmente nos de moita idade. Os machos reprodutores non presentan cambios na morfoloxía da cabeza nin resto do corpo tan rechamantes como os doutras especies do mesmo xénero; variando moito a coloración da pel co hábitat e o tamaño; os que residen en ríos de forma permanente son máis escuros, semellantes aos anádromos en idade reprodutiva, mentres que os que residen en lagos son de coloración máis clara.

Hábitat e bioloxía É un peixe de augas subtropicais a frías e anádromo,Riede, K.,2004. "Global register of migratory species - from global to rexional scales. Final Report of the R&D-Projekt 808 05 081". Federal Agency for Nature Conservation, Bonn, Alemaña. 329 p. que vive no mar preto do fondo nun rango de profundidades entre 0 e 200 metros, remontando os ríos para desovar.Fedorov, V.V., I.A. Chereshnev, M.V. Nazarkin, A.V. Shestakov e V.V. Volobuev, 2003. "Catalog of marine and freswater fishes of the northern part of the Sexa of Okhotsk". Vladivostok: Dalnauka, 2003. 204 p.

Os alevíns máis pequenos son bentopeláxicos, mentres que os xuvenís de máis idade vólvense totalmente peláxicos.Mundy, B.C., 2005. "Checklist of the fishes of the Hawaiian Archipelago". Bishop Museum Bulletins in Zoology. Bishop Mus. Bull. Zool. (6):1-704. O hábitat natural das especies é a auga doce duns 12 °C no verán, posiblemente orixinaria de Kamchatka, non estando claro se a aparición da anadromía é unha adaptación xenética ou simplemente un comportamento oportunista, o que se parece claro é que calquera poboación desta especie é quen de emigrar ao mar en calquera intre que o necesiten, sendo capaces de adaptarse a todo tipo de augas.Kailola, P.J., M.J. Williams, P.C. Stewart, R.E. Reichelt, A. McNee e C. Grieve, 1993. "Australian fisheries resources". Bureau of Resource Sciences, Canberra, Australia. 422 p. Sobrevive mellor en lagos cá nas correntes de ríos.McDowall, R.M. e R.D.J. Tilzey, 1980. "Family Salmonidae, salmons, trouts and chars". p. 72-78. En R.M. McDowall (ed.) Freshwater fishes of south-eastern Australia. A.H. & A.W. Reed Pty. Ltd. Sydney, Australia.

En canto á dieta, os adultos son xeneralistas, alimentándose de invertebrados e peixes de escaso tamaño,Catálogo SIAC mentres que os alevíns aliméntanse de zooplanctoCadwallader, P.L. e G.N. Backhouse, 1983. "A guide to the freshwater fish of Vitoria". Government Printers. Melbourne, Australia. 249 p.

Os anádromos adoitan vivir uns 11 anos, remontando os ríos por primeira vez a reproducirse no terceiro ano de vida, polo que adoitan reproducirse unhas 8 veces na vida; os non anádromos adoitan vivir un máximo de 6 anos, reproducíndose por tanto 3 veces na vida.Riva-Rossi, C., M.A. Pascual, J.A. Babaluk, M. Garcia-Asorey e N.M. Halden, 2007. "Intra-population variation in anadromy and reproductive life span in rainbow trout introduced in the Santa Cruz River, Arxentina". J. Fish. Biol. 70:1780-1797.

Importancia para o ser humano

É unha especie moi pescada e criada na acuicultura cunha importancia comercial grande, véndese fresca, conxelada, afumada, en salgadura ou enlatada, cociñándose en multitude de maneiras, moi apreciada na gastronomía.Frimodt, C., 1995. "Multilingual illustrated guide to the world's commercial coldwater fish". Fishing News Books, Osney Mead, Oxford, Inglaterra. 215 p.

Tamén é moi usada en pesca deportiva, posto que a especie foi introducida en multitude de cursos de auga con este fin. De feito, considéraselle unha especie invasora que está a crear un problema ecolóxico nalgunhas das zonas nas que se introduciu.

Subespecies Aínda que se producen numerosos cambios nas subespecies, poderiamos considerar válidas as seguintes: Oncorhynchus mykiss gairdnerii (Richardson, 1836) Oncorhynchus mykiss gilberti (Jordan, 1894) Oncorhynchus mykiss irideus (Gibbons, 1955) Oncorhynchus mykiss mykiss (Walbaum, 1792) Oncorhynchus mykiss nelsoni (Evermann, 1908) Oncorhynchus mykiss stonei (Jordan, 1894) Oncorhynchus mykiss whitei (Evermann, 1906)

Notas

Ligazóns externas

Fotografías de «troita arco da vella» en FishBase

Categoría:Oncorhynchus Categoría:Especies invasoras animais Categoría:Animais descritos en 1792