Anthony Bonner, nado o 8 de xuño de 1968 en St. Louis, Missouri, é un ex xogador profesional de baloncesto estadounidense que xogou 6 tempadas na NBA, ademais de facelo na CBA e noutros 7 países diferentes, principalmente na liga ACB, onde militou en tres equipos diferentes. Con 2,03 metros de altura, facíao na posición de ala-pivote.
Traxectoria deportiva Universidade Xogou durante catro tempadas cos Billikens da Universidade de Sant Louis, onde fixo unha media de 14,8 puntos e 10,7 rebotes por partido.Ficha de Bonner en TDR Ten cinco marcas históricas da súa universidade, incluídos os de anotación e rebotes.Billikens Face Duquesne in A-10 Tournament Opener É tamén o xogador que máis puntos anotou nun partido dos Billikens, con 45 ante Loyola. Foi o máximo reboteador da NCAA en 1990, promediando 13,8 por partido.
Profesional Foi elixido na vixésimo terceira posición do Draft da NBA de 1990 por Sacramento Kings,1990 NBA Draft onde xogou tres tempadas como suplente de Lionel Simmons. A máis destacada foi a tempada 1991-92, na que fixo medias de 9,4 puntos e 6,1 rebotes por partido. Tras ser cortado polos Kings, en 1993 ficha como axente libre con New York Knicks, onde xoga dúas tempadas ás ordes de Pat Riley, alcanzando en 1994 as Finais da NBA onde caeron no sétimo e definitivo partido ante Houston Rockets. Bonner colaborou esa tempada con 5,1 puntos e 4,7 rebotes por encontro.
Tras verse sen equipo, comezou nese momento a súa particular xira mundial, que lle levaría a xogar durante o dez seguintes anos en 15 equipos de 7 países diferentes. Comezou a súa aventura no Buckler Bologna da liga italiana, onde chegou para substituír temporalmente ao lesionado Orlando Woolridge, xogando 12 partidos nos que fixo medias de 16,7 puntos e 2,7 asistencias por partido. Foi repescado ao final da tempada polos Orlando Magic, pero só xogou catro partidos antes de regresar a Europa, xogando unha tempada no PAOK Thessaloniki grego, e ao ano seguinte no Galatasaray turco.
No verán de 1998 cruza de novo o charco para xogar nos "Brujos de Guayama" da liga de Porto Rico, antes de fichar polo Tau Cerámica, onde fixo medias de 12,4 puntos e 8,1 rebotes por partido, gañando a Copa do Rei. Ao ano seguinte ficha polo Breogán Universidade, onde mellorou bastante o seu xogo, aproveitando o verán para volver xogar á liga portorriqueña. En 2001 vaise a xogar ao UNICS Kazan da Superliga Rusa, regresando a España sete partidos despois para fichar polo Fórum Valladolid, o seu último equipo nas ligas europeas. Alí promedia 11,8 puntos e 6,7 rebotes na súa única tempada no equipo.Estatísticas de Bonner en España En 2003 regresa a Porto Rico, onde acabará a súa carreira deportiva, con dúas breves incursións nos Great Lakes Storm da CBA e no Peñarol Mar da Prata arxentino. Posteriormente retiraríase.
Notas
Véxase tamén Ligazóns externas Ficha de Anthony Bonner en NBA.com Estatísticas de Anthony Bonner na NBA Ficha de Bonner en Basketpedya.com Ficha de Bonner en acb.com
Categoría:Nados en 1968 Categoría:Nados en St. Louis, Missouri Categoría:Ala-pivotes de baloncesto Categoría:Xogadores de baloncesto dos Estados Unidos de América Categoría:Xogadores de baloncesto da ACB Categoría:Xogadores de baloncesto da NBA Categoría:Eleccións no Draft da NBA dos Sacramento Kings Categoría:Xogadores dos Sacramento Kings Categoría:Xogadores dos New York Knicks Categoría:Xogadores do Virtus Bologna Categoría:Xogadores dos Orlando Magic Categoría:Xogadores do PAOK Tesalónica BC Categoría:Xogadores do Galatasaray SK (baloncesto) Categoría:Xogadores dos Brujos de Guayama Categoría:Xogadores do Saski Baskonia Categoría:Xogadores do Club Baloncesto Breogán Categoría:Xogadores do UNICS Kazan Categoría:Xogadores dos Leones de Ponce Categoría:Xogadores do CB Valladolid Categoría:Xogadores dos Capitanes de Arecibo