dereita|miniatura|AD Ceuta 2009-10.

A Asociación Deportiva Ceuta foi un club de fútbol de España, da cidade de Ceuta. Fundouse en 1996 e desapareceu en 2012.

Historia A Asociación Deportiva Ceuta fundouse en 1997, aínda que os primeiros pasos se deron en setembro de 1996. Entón, os dirixentes do Ceutí Atlético renunciaron á praza no Grupo X de Terceira División. O empresario local José Antonio Muñoz Serrano fíxose cargo do equipo co obxectivo de levalo a Segunda B.

Tras cotratar varios xogadores con experiencia en primeira división, como Ricardo Serna, Gabino ou Julio Soler, o Ceutí logrou ser campión do Grupo X de Terceira, perdendo o ascenso a superior categoría ante o UP Plasencia estremeño.

Ao ano seguinte, o equipo cambiou a súa denominación pola actual. Esa tempada, o Ceuta revalidou o título de campión de grupo, logrando o ascenso a Segunda B tras superar na liguiña a Poli Ejido, Guadalajara e Villafranca de Barros, equipo contra o que certificou o seu ascenso tras gañarlle por 2-1 no Estadio Municipal Alfonso Murube.

Desde entón, o Ceuta permaneceu no Grupo IV da Segunda B, do que non conseguiu ascender a pesar de disputar cinco eliminatorias de ascenso á superior categoría.

O actual equipo considérase sucesor da Agrupación Deportiva Ceuta, equipo desaparecido a principios dos noventa e que chegou a militar en Segunda na tempada 80-81.

Uniforme

Uniforme titular: Camiseta branca, pantalón branco e medias brancas. Uniforme secundario: Camiseta negra, pantalón negro e medias negras. Uniforme alternativo: Camiseta amarela, pantalón negro e medias negras. Uniforme alternativo 2: Camiseta vermella, pantalón vermello e medias brancas.

Estadio

Estadio Municipal Alfonso Murube, con capacidade para 6.500 persoas.

Datos do club Tempadas en 1ª: 0 Tempadas en 2ª: 0 Tempadas en 2ªB: 13 Tempadas en 3ª: 2 Mellor posto na liga: 2º (Segunda División B de España tempadas: 99-00 e 01-02) Peor posto na liga: 11º (Segunda División B de España tempada 2006-07)

Xogadores Cadro 2010/11

Palmarés Torneos nacionais Terceira División de España (2): 1996, 1997

Ceuta