Carles Casajuana i Palet, nado en Sant Cugat del Vallès en 1954, é un escritor e diplomático catalán.
Traxectoria Licenciado en Economía e Dereito pola Universidade de Barcelona, ingresou no corpo diplomático en 1980. Exerceu esta actividade en Bolivia, as Filipinas e na sede das Nacións Unidas en Nova York. Entre 1991 e 1996 traballou para o secretario xeral de Política Exterior do Ministerio de Asuntos Exteriores de España. Posteriormente foi nomeado embaixador de España en Malaisia, Vietnam e Brunei, e entre 2001 e 2004 formou parte do Comité político e de seguridade do Consello da Unión Europea. Dirixiu o Departamento de Política Internacional e Seguridade do gabinete de presidencia español, até o seu nomeamento como embaixador no Reino Unido en agosto de 2008.
Como escritor publicou diversas novelas, algunhas delas traducidas ao castelán e o inglés, e un ensaio sobre Josep Pla e Nietzsche.
Obra Tap d'escopeta (1987) Bondage (1989) La puresa del porc (1990) Punt de fuga (1992) Pla i Nietzsche: afinitats i coincidències (ensaio, 1996) Esperit d'evasió (1998) Diumenge de temptació (2001) Kuala Lumpur (2005) L'últim home que parlava català (2009, Premio Ramon Llull de novela)
Categoría:Escritores de Cataluña Categoría:Escritores en lingua catalá Categoría:Embaixadores de España en Malaisia Categoría:Embaixadores de España no Reino Unido Categoría:Nados en Sant Cugat del Vallès Categoría:Nados en 1954 Categoría:Alumnos da Universidade de Barcelona